"Hanesan apoiu osan balun ne'ebé mak jere liuhusi Cruz Vermelha Timor-Leste (CVTL), nomós organizasaun sira sel-seluk, e protesaun sivíl la simu osan diretamente husi ita-nia parseiru sira”, hatete nia iha PN, kinta (25/11).

Tanba apoiu barak ne’ebé Timor-Leste hetan husi parseiru sira, ezemplu apoiu orsamentu ho valor rihun US$100 husi Estadu Unidade Amerika (EUA), ne'e la entrega direta ba potesaun sivíl maibé ne'e jere liuhusi fali Organizasaun Migrasaun Internasionál (IOM).

Iha ne'e Sekretáriu Estadu Protesaun Sivíl hein simu de'it sasán husi paresiru sira konta mós ho apoiu privadu sira hodi fó apoiu ba komunidade. 

Ho ida ne'e, apoiu ne’ebé mak entrega ba protesaun sivíl ne'e diresaun protesaun sivíl no diresaun nasional jestaun rekursu dezastre mak jere. Maibé apoiu individual ne’ebé mak fó diretamente ba komunidade ida ne'e la'ós liuhusi protesaun sivíl.

Tanba ne'e, SEPS agora prepara hela relatóriu ba ajudu hothotu, tantu materiál no osan ne'ebé mak hetan liuhusi protesaun sivíl.

"Hanesan ohin ha’u dehan ita prepara hela relatóriu kompletu ba sasan hotu ne'ebé mak ita-nia parseiru sira fó, ita ninia instituisaun ministeriu relavante sira mós fó apoiu privadu sira, kompaña sira ita prepara relatóriu ba hahán nian no la'ós hahán nian, nomós orsamentu balun ne'ebè mak sira apoiu liuhusi protesaun sivíl”, esplika nia.

Entretantu nasaun ne’ebé konsege fó apoiu orsamentu, mak EUA apoiu rihun US$100, Governu Xina liuhusi Cruz Vermella Xina no Embaixada iha Timor-Leste ne'e apoiu rihun US$100.

Aleinde husi Governu Tailándia nian, iha rihun US$5, kompaña Xina iha Timor-Leste, kuaze liu rihun US$4, inklui mós apoiu husi parseiru seluk ne’ebé la konsege temi. (*)