Print this page

Governu Aprova Liña Kréditu Apoiu Kapitalizasaun ba Empreza Ki’ik no Médiu

By November 25, 2021 628
Palásiu Governu Timor-Leste. Palásiu Governu Timor-Leste. Foto Suplay

Tempotimor (Dili)-Governu liuhusi Konsellu Ministru aprova projetu Dekretu-Lei kona-ba Kriasaun Liña Kréditu “Fasilidade Garantia Kréditu Suave”, hodi apoiu kapitalizasaun no fasilita asesu finansiamentu ba empreza mikro, ki’ik no média sira.

Ministru Prezidénsia Konsellu Ministru, Fidélis Leite Magalhães hatete, liuhusi reuniaun iha loron 24 fulan-novembru tinan 2021, Konsellu Ministrus aprova projetu Dekretu-Lei kona-ba Kriasaun Liña Kréditu “Fasilidade Garantia Kréditu Suave”. 

Projetu Dekretu-Lei ne’e aprezenta husi Ministru Turizmu, Komérsiu no Indústria, José Lucas do Carmo da Silva, atu promove no estimula emprendedorizmu sosiál no aposta iha projetu inovadór sira, hodi permite fortalesimentu ba tesidu emprezariál no industriál nasionál. 

Haree Liña Kréditu ”Fasilidade Garantia Kréditu Suave” hodi apoia kapitalizasaun no fasilita asesu finansiamentu ba empreza mikro, ki’ik no média sira, liuliu ne’ebé foka liuba emprendedorizmu sosiál no inovasaun iha setór komérsiu, turizmu no indústria. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items