Xefe Departementu promosaun produtu agrikóla, Ersio Angelo Belarmino de Araujo hatete, grupu ne'ebé identifika ona, sei prense formatu balun, nune'e feira remata halo negosiasaun ho grupu refere hatama produtu no promove iha loja agrikultores Dili.
"Observasaun ami hetan ona ema balun iha ne'e, interesante tebes atu hatama sira nia sasan iha loja agrikultores Dili", dehan Ersio iha Darasula, kuarta (24/11)
Observasaun husi ékipa MAP hala'o ona durante loron-3 no kontinua halo negósiasaun ho grupu ne'ebé iha produtu lokál esensial sira sei hatama stock produtu loja agrikultores Dili hodi halo promosaun.
Liuhusi feira ne'e, hanesan promove produtu ne'ebé grupu sira iha no atu hatene halo komparasaun ba presu produtu sira fa'an iha loja agrikultores no grupu rasik fa'an iha fatin.
"Ita tau folin iha produtu ida ás automatikamente ema la sosa, maibé tau estandar ba ema hotu-hotu bele asesu", katak nia
Feira refere, realiza iha Aldeia Darasula, Suku Gariuai, Postu Administrativu Baukau Vila, Munisípiu Baukau ne’ebé hahú abertura iha loron 22 fulan-novembru tinan-2021. (*)
