“Konsellu Ministrus aprova, ho alterasaun, ba projetu Dekretu-Lei, ne’ebé aprezenta mós husi Ministru Finansas, Rui Augusto Gomes, kona-ba alterasaun dahuluk ba Dekretu-Lei Rejime Jurídiku Parseria Públiku Privada ba Portu Tibar”, dehan Ministru Prezidente Konsellu Ministru, Fidélis Leite Magalhães, iha Palásiu Governu, kuarta (24/11).

Ho diploma ida-ne’e prevé katak Estadu tenke disponibiliza terrenu ne’ebé presiza ba ezekusaun medida sira ne’ebé prevé ona iha lisensa ambientál, iha deklarasaun ba impaktu ambientál no iha planu jestaun ambientál nian no atu konsesionária bele asesu, tranzita no hala’o serbisu iha terrenu ne’e. (*)