"Ita iha kualtura, ne'ebé mak molok atu ba Korea karik kuta tiha kedas iha uma lulik sira, labele lori bua malus ba Aeroportu tanba iha ne'ebá sira check no sei hasai hotu, iha kartera laran mak iha ema sei hasai hotu”, dehan Diretór Nasionál Empregu Exterior (DNEE), Filomeno Soares, iha Salaun DNEE, Bekora, kuarta (24/11).

Tanba kada nasaun iha idak-idak nia kultura, maibé ba Korea labele lori tanba sei liuhusi Aeroportu no sistema material eletrika sira deteta no sei la autoriza hodi lori ba buat ho malus ba Korea.

Nune'e Diresaun Nasionál Empregu Exterior mós avizu atu labele halai husi sistema hodi labele sai traballadór ilegál.

"Se imi mak halai sai imi sai ilegál ne'e difísil tebes, tanba imi sei la hetan. Asuransi, moras karik laiha estadu tau matan ba imi. Imi sai hanesan busa ho la'o hafuhu malu iha Korea”, afirma nia.

Iha ámbitu ne'e, traballadór Timoroan hamutuk 21 sei aranka ba Korea Súl iha loron 26 fulan-Novembru iha tinan ne'e. (*)