Ministru Na’in-Tolu ho Autoridade Munisipál Abertura Feira 28 Novembru iha Baukau

Ministru na’in-3 lansa hela feira nasional ba komemorasaun loron 28 novembru iha Aldeia Darasura, Suku Gariuai, Postu Administrativu Baukau Vila, Munisípiu Baukau. Ministru na’in-3 lansa hela feira nasional ba komemorasaun loron 28 novembru iha Aldeia Darasura, Suku Gariuai, Postu Administrativu Baukau Vila, Munisípiu Baukau. Foto Tempo Timor

Tempotimor (Baukau)‐Ministru Administrasaun Estatál (MAE), Miguel Pereira de Carvalho, Ministru Turizmu Komersiu Komersiu no Industria (MTKI), José Lucas do Carmo da Silva, no Ministru Asuntu Parlamentares no Komunikasaun Sosial (MAPKOMS), Francisco Jerónimo, hamutuk ho autoridades Munisípal Buakau, lansa abertura feira Nasionál ba selebrasaun loron independénsia 28 novembru dala-46, iha Aldeia Darasura? Suku Gariuai, Postu Administrativu Baukau Vila, Munisípiu Baukau.

Iha abertura ne’e, Ministru Administrasaun Estatál (MAE), Miguel Pereira hanesan mós Prezidente kKmisaun Organizadora ba evetu 28 novembru hatete, seremónia 28 novembru ba tinan 2021 hahú ona iha 12 novembru bainhira Sekrétaria Estadu Juventude no Desportu realiza desportu komunitariu iha postu administrativu-65 ba Munisípiu-13.

"Hahú ohin loron seremónia seluk ida ba komemorasaun 28 novembru nian mak liuhusi feira, feira ne'ebé mak hahú ohin loron, sei remata iha dia 28 novembru tinan ida ne'e durante loron neen tuir mai, durante loron neen buat barak mak sei akontese durante feira sei iha konsertu muzikál", dehan Miguel bainhira abertura feira nasionál iha Darasula, Baukau segunda (22/11).

Maibé ho servisu kooperasaun ne’ebé di’ak MTKI reuni komersiate sira hotu partisipa iha feira nasionál, tanba la fasil atu komersiante sira partisipa iha feria  refer.

Ba lansa feira ne'e mós dalan ida oinsá atu hasoru malu hodi halo divertimentu hamutuk tantu joven no katuas sira hodi ko'alia mós kona-ba loron importante.

Ministru Turizmu Komersiu no Industria,  José Lucas do Carmo da Silva hatete, tempu ne'e importante tebes atu hahú abertura ba feira nasionál, tanba iha objetivu ba proklamasun Indepedénsia Timor-Leste nian.

"Primeiru halo promosaun nafatin ba gastronomia katak ita-nia hahan sira ne'ebé iha atu promove ne'e ita-nia papel ne'ebé iha stand balun iha ne'e halo ida ne'e”, afirma nia.

Tanba husi feira ne'e iha Grupu balun hetan konvite oportunidade tebes atu partisipa hodi ema hotu haree no vizita, hahú husi parte Agrukultura, Komersiu no industria, sosiadade sivíl no grupo Juventude sira hodi halo promosaun ba sira-nia produtu ne'ebé iha.

"Ita-boot sira rona karik Governu iha programa oinsá atu fasilita suporta lori fali ita-boot sira liuhusi programa Kréditu”, informa nia.

Iha tinan-2021 ne'e mós Timor-Leste sai hasoru dezafiu boot ba prosesu dezenvolvimentu iha aréa oioin paradu, maibé Governu iha meius barak atu halo mitigasaun dezafiu ne'ebé mak povu no nasaun hasoru. (*)

Rate this item
(1 Vote)
Last modified on Tuesday, 23 November 2021 11:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter