Login to your account

Username *
Password *
Remember Me

Tinan 2022, Timor-Leste Sei Adere ba WTO 

Ministru Koordenadór Asuntu Ekonómiku (MKAE), Joaquin Amaral. Ministru Koordenadór Asuntu Ekonómiku (MKAE), Joaquin Amaral. Foto Suplay

Tempotimor (Dili)-Ministru Koordenadór Asuntu Ekonómiku (MKAE), Joaquin Amaral hatete, osibilidade Timor-Leste sei adere ba World Trade Organization (WTO) ka Organizasaun Mundiál Komérseiu (OMK) iha fulan-dezembru tinan-2022.

"Prosesu ita la'o namanas hela, e ita iha kalendáriu roteru indikativu ida ne’ebé ita kumpri hotu prosesu sira ne’ebé hatur ona iha kalendáriu indikativu ne'e, hodi Timor-Leste bele gradua iha dezembru 2022”, hatete nia iha PN, kinta (18/11).

Atu adera ba organizasaun WTO mak Timor-Leste sei kumpre kritériu lubuk ida, kona-ba armoniza lejislasaun nasionál aliña ho lejislaaaun komersiu Internasionál tenke prepara kondisaun sira ne’ebé presiza atu halo negosiasaun ba bens servisu hanesan materia negosiasaun nível bilaterál, multilateral ho plurateral.

Ba asuntu adezaun ne'e, MKAE ho ekipa WTO deside marka ona audénsia ho Prezidente PN no komisaun D trata asuntu dezenvolvimentu no ekonómia hodi halo atualizasaun prosesu kona-ba Timor-Leste atu sai membru ba Oraganizasaun Mundiál Komersiu (WTO).

"Hanesan ita hatene Timor-Leste halo prosesu atu tama iha organizasaun Mundiál komersiu, ne’ebé enkontru ida ohin ne'e parte ida husi konsulta atualizasaun prosesu ne’ebé servisu sira ne’ebé halo ona ba orgaun soberanu sira, prezidente parlamentu e sira seluk ne'ebe tama iha kalendáriu, hetan konsulta ho atualizasaun servisu, kona-ba ita-nia prosesu adezaun ba organizasaun mundial de comercio”, dehan nia.

Purtantu vantajen ba Timor-Leste adere ba WTO ne'e tanba Timor-Leste hanesan rai ki’ik, konserteza presiza atubele iha relasaun di’ak ho pais sira ne’ebé iha relasaun komersiu ho investimentu ho sira.

"Purzemplu pais sira ne’ebé normalmente ita importa sasán husi sira. Se ita sai membru organizasaun komersiu ida boot hanesan ne'e, iha disputa ruma, iha tratamentu ne'ebe justu”, afirma nia.

Ho ida ne'e, Adezaun ba WTO ne'e hanesan oportunidade atu Timor-Leste tenke aproveita relasaun komersiu ne’ebé iha, maibé mós tenke asegura katak tenke tama iha organizasaun ida ne’ebé bele proteze mós Timor-Leste bainhira enfrenta problema ruma iha relasaun komersial nian. 

"Sim ita hetan apoiu no suporta nafatin husi orgaun soberanu nian, Prezidente Parlamentu, Prezidente Tribunál ho orgaun sira, ida ne'e parte ida husi politika externa Estadu Timor-Leste nian”, esplika nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter