MOP Orienta IJE Hamoos Mota Aitarak-Laran

By Tempo Timor November 18, 2021 718

font size decrease font size increase font size
Print
Email

Institutu Jestaun Ekipamentu (IJE) apoiu hela eskavatór suru no hamoos hela mota iha área Aitarak-laran no Bebora, kinta (18/11). Foto Suplay

Tempotimor (Dili)-Ministru Obras Públika (MOP), Salvador Eugénio Soares dos Reis Pires, fó orientasaun ba Institutu Jestaun Ekipmanetu (IJE) halo servisu emerjénsia hodi hamoos mota-dalan iha área Aitarak-Laran, Suku Kampung Alor no Suku Motael Postu Administrativu Dom Aleixo, Munisípiu Dili.

"MOP IGE-IP apoiu servisu emerjénsia suru sai ka hamos valeta, atu nune'e udan no mota boot labele fó impaktu inundasaun ou estraga komunidade sira-nia hela fatin. Servisu ne'e hetan orientasaun husi Ministru Obras Públikas (MOP), Salvador Eugénio Soares dos Reis Pires”, deklara Institutu Jestaun Ekipamentu (IJE) iha pajina ofisiál ne'ebé www.tempotimor.com asesu, kinta (18/11).

Nune'e mos, Institutu Jestaun Ekipamentu deside sei hamoos tan estrada públiku sira liliu iha área Palásiu Prezidénsia Repúblika nian. Purtantu ba apoiu ida ne'e tau nu’udar prioridade atu evita inundasaun ba komunidade sira.

Enkuantu, eskavator husi Institutu Jestaun Ekipamentu (IJE) mos dadaun ne'e suru hela tahu no foer sira iha mota laran mós suru sai tahu sira iha ponte-okos. (*)

Rate this item

(1 Vote)

Last modified on Thursday, 18 November 2021 13:34

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com