"Ami presiza rekursu finansiamentu adisionál balun hodi garante servisu sira ne’ebé bele fornese kondisaun ambiente ne'ebe di'ak liuba Timor-Leste. Ha’u fó ezemplu, ami husu adisionál, atu konstrui sentru tratamentu oli-foer iha Betano, nomós reabilita sentru tratamentu oli-foer iha tibar. Ba projetu rua ne'e se laiha kondisoens, tinan oin ambiénte labele rekoilla oli-foer iha Betano no Hera, ita sei hasoru 'Black Out' eletrisidade mate iha territóriu tomak”, dehan nia iha Parlamentu Nasionál, tersa (16/11).
Tanba ne'e, presiza iha orsamentu atubele finansia hodi hasai oli-foer nune'e mákina bele funsiona nafatin.
"Ami espresa ami-nia situasaun atu instituisaun eEtadu sira hotu inklui parlamentu, kompriende kona-bá situasaun ne'e atu oinsá ita fó solusaun hamutuk ba situasaun”, dehan nia.
Sekretariadu Estadu Ambiente esforsu ona hodi aprezenta proposta adisionál millaun US$2.4, maibé la hetan aprovasaun iha Komisaun Revizaun Orsamentu Polítika (KROP).
"Ami pronunsia katak orsamentu ne'ebé ami propoin ba komisain revizaun orsamentu ho adisional US$2.4 milhões, infelismente la hetan aprovasaun maibé tanba laiha tan aprovasaun ho ami-nia pedidu adisional ne'e fó implikasaun direta ba ezekusaun ami-nia programa ba pakote rekuperasaun ekonomiku ne'ebé atribui ninia implementasaun ba ambiente”, esplika nia.
Enkuantu Orsmentu Jerál estadu (OJE) 2022 ba SEA ho totál millaun US$ 2.4, inklui ezekusaun OJE 2021 husi SEA dadaun ne'e atinje ona pursentu 67.4.
Husi totál orsamentu ne'e, sei finansia ba programa rua, boa governasaun ambiental, (atividade 7), no protesaun konservasaun ambiénte iha atividade 13. (*)
