Print this page

Abitasaun Urbanizmu Sosializa Fatin Poténsia Ekonomiku Iha Baukau

By November 16, 2021 570
Autoridade sira ne’ebé tuir hela sosializasaun husi abitasaun urbanizmu iha salaun sentru konvensoens baukau tersa (15/11). Autoridade sira ne’ebé tuir hela sosializasaun husi abitasaun urbanizmu iha salaun sentru konvensoens baukau tersa (15/11). Foto Tomas Freitas

Tempotimor (Baukau) - Diretór nasionál Abitasaun Urbanizmu Maneul da Costa Xavier hatete, halo hela sosializasaun ba fatin potensial ekonomia tuir planu governu nian ne’ebé desidi Munisípiu Baukau ho Bobinaru hanesan zona ekonomia.

"VIII Governu nia polítika ne'ebé difini aréa batugade Munisípiu Bononaru no Baukau dezenvolve zona ekonimia atu indentifika potensia sira ne'ebé mak iha", dehan Maneúl ba jornalista iha salaun sentru konvensoens baukau tersa (15/11).

Nia hatutan, bainhira indentifika fatin poténsial sira bele hadi’a mós komunidade nia moris ligadu parte ekonomia nian, maibé iha esensial balun ne’ebé presiza rona husi komunidade nia rekomendasaun kona-ba oinsa atu hadi’a moris ida di'ak liu iha futuru.

"Hala'o ho autoridade lokál sira, tanba sira mak besik liu komunidade no mós sira hatene liu informasaun ligadu ba potensia no problema ne'ebé sira infrenta", katak nia

Tanba ne'e, iha sosializasaun importante ba autoridade sira, atu fahe tutan ba nia komunidade hodi dezenvolve iha aréa ekonomia hanesan aréa agrikultura, turizmu, komersiu.

Nune'e, João do Carmo Pinto reprezenta Sentru Desenvolvimentu Komunitariu (CDC-sigla portugues) hatete, sosializa ne'ebé ekípa husi Abitasaun Urbanizmu realiza, iha benefisiu ne'ebé boot no importante tebes, tanba atu harii estadu no nasaun ida povu mak tenke sai nuklesu ba ideia.

"Labele halo tiha planu mak mai aprezenta, maibé ho maneiras agora Governu halo dadauk ne'e ideia komseptu ba dezenvolvimentu liu-liu iha Baukau mai husi baze", nia dehan

Tuir nia, planu ne'ebé VIII Governu konstituisionál realiza liu husi Abitasaun Urbanizmu kapás no iha benefisiu ba povu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com