"Iha tinan kotuk (2020) iha plenária ida ne'e ha'u halo komparasaun ida se reabilitasaun kafeé di’ak liu fó ba CCT.NCBA duké ita-boot sira, tanba CCT.NCBA ninia preparasaun kafé ne'e di’ak, to'o fó ona nia produsaun di’ak, mak sira foin entrega ba komunidade. E ita-boot sira-nia programa ne'ebé mak iha, agora dadauk ita-boot sira ba observa iha Ermera Kafé komesa menus ba dadauk”, deklara nia hafoin hala'o audénsia públika ba OJE 2022 iha Parlamentu Nasionál (PN), segunda (15/11).
Pozisaun CNRT kestiona tanba programa espansaun no reabilitasaun planta kafé ne'ebé mak Governu prevé iha OJE 2021 atu hasa’e produsaun kafe iha ermera maibé realidade la akontese.
"E ita-boot sira-nia programa ne'ebé mak iha, agora dadauk ita-boot sira ba observa iha Ermera Kafé komesa menus ba dadauk, tesi tiha soe tiha, mai tiha Dili labele halo manutensaun ida di'ak, problema prezudika ba agrikultór sira”, dehan nia.
Liga ba kestaun produsaun kafé ne'e, iha tinan 2020 katak reabilitasaun kafe di'ak liu fó ba kompaña CCT.NCBA tanba sira-nia preparasaun kafe ne'e di'ak, no lahanesan ho Ministériu Agrikultura no Peska.
Tanba ne'e, husu ba MAP la presiza tau osan ba programa ida ne'e iha OJE 2022, atu nune'e fó oportunidade ba kompaña CCT.NCBA, bele halo produsaun.
Bainhira kompaña CCT.NCBA produz de'it ektare lima mós laiha problema, importante mak prepara kondisaun ne’ebé di'ak atu hasa'e kualidade kafe hanesan tinan hirak liu bá.
"Agora ha’u husu ita-boot sira, ba oin sá programa di'ak id maka ita-boot sira bele halo atubele prevene ai-horis sira ne’ebé mak fó mahon ba kafe ne’ebé mak agora dadauk lakon ne'e. Ita-boot sira iha alternativu ruma ona”, afirma nia. (*)