Print this page

KM Aprova Rezolusaun ENPS ba Períodu 2021-2030

By November 12, 2021 612
Membru Governu sira partiria hela reuniaun Konsellu Ministru iha momentu balun liuba. Membru Governu sira partiria hela reuniaun Konsellu Ministru iha momentu balun liuba. Foto Suplay

Tempotimor (Díli)-Konsellu Ministru (KM) deside aprova rezolusaun Governu kona-ba Estratéjia Nasionál ba Protesaun Sosiál (ENPS) ba períodu tinan 2021-2030.

"Ohin hatur ne'e estratéjia ne'ebé di'ak liután para orienta tomak Governu nia hodi bele atinje objetivu estadu nian hodi populasaun ne'ebé saudável moris ne'ebé di'ak liu to'o tinan 2030”, dehan Ministru Prezidénsia Konsellu Ministru (MPKM), Fidelis Leite Magalhães, iha Palásiu Governu, kinta (11/11).

Ho aprovasaun estratéjia ida ne’e, atu promove evolusaun integrada husi sistema protesaun sosiál nian, hodi haluan ninia kobertura no alkanse, masimiza ninia impaktu hamenus ki’ak no vulnerabilidade.

"Estratéjia ne’e mós atu konsolida direitu sira ba seguransa sosiál no ba asisténsia sosiál, nomós asesu ho forma ne’ebé inkluziva ba servisu sosiál, ba edukasaun no ba saúde. ENPS ne’e estabelese hanesan objetivu estratéjiku, hamenus ki’ak, hadi’a no haluan seguransa sosiál ba traballadór sira no dezenvolvimentu institusionál”, esplika nia.

Projetu Rezolusaun Governu, ne’e aprezenta husi Vise Primeira Ministra no Ministra Solidaridade Sosiál no Inkluzaun, Armanda Berta dos Santos. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items