"AIFAESA ninia orsamentu aloka ba 2022, neste momentu iha 1.6 millaun, ami sei esforsu oinsá para bele husu mós adisionál tanba ba AIFAESA iha ninia hanoin ida atu servisu disponsentradu. Siknifika katak ita sei destaka ita-nia funsionáriu sira ba servisu iha Munisipál”, dehan Inspetór Jerál AIFAESA.IP, Ernesto Monteiro iha PN, kinta (11/11).
Planu prioridade AIFAESA ba tinan 2022, hakarak loke liras ba Munisípiu tanba durante ne'e servisu de'it iha Dili, no difísil tebes atu hatan ba nesesidade liliu ba área inspensaun, Munisípiu, to'o aldeia.
"Mais lahatene, ida ne'e ohin prezidente komisaun D dehan katak sira la fó garantia maibé tenke hato'o sira-nia proposta, e ami sei haree hodi aprezenta ba iha plenária. E Adisionál ne’ebé ha’u husu purvolta, Millaun US$2.56, ne'e ba Munisípiu 6”, afirma nia. (*)
