“OJE 2022 ita iha millaun US$1-resin foku ba preparasaun eleisaun prezidensiál no sira seluk maibé orsamentu la sufisiente, nune’e husu tan adisionál rihun US$900 hodi responde liliu ba ekipamentu hanesan printer, komputadór hodi halo kontajen no apuramentu nasionál”, dehan Pezidente CNE, José Agostinho da Costa Belo, hafoin partisipa audénsia públika ba OJE 2022 ho Komisaun A trata asuntu justisa no konstituisionál iha PN, kuarta (10/11).
Pozisaun CNE sei hato’o ba deputadu sira atubele konsidera proposta adisionál iha debate OJE 2022.
Tanba totál orsamentu ne'ebé prevé ba CNE iha tinan 2022 hamutuk millaun ida resin ba saláriu vensimentu US$8,029.206 no bens servisu, US$86.488, kapitál menor $1,142,718, transferénsia públika millaun US$6, no kapitál dezenvolvimentu laiha.
Husi orsamentu ne’e sei finansia ba programa ida, sub-pograma lima no atividade 11.
Enkuantu ezekusaun OJE 2021 ba Komisaun Nasionál Eleisaun, to'o ohin loron atinje ona pursentu 57. (*)