"Ho kondisaun ida agora, orsamentu tun kuaze 23 pursentu husi tinan kotuk liu bá. Entaun SEFOPE labele ba oin, maibé ita koko esforsu atu oinsá kontinusaun serví hanesan servidór ida, atu halo servisu ne'ebé mak SEFOPE nian atu ba oin. Orsamentu ne'ebé aloka mai ne'e millaun US$4”, dehan Alarico iha PN, tersa (09/11).
Haree ba totál orsamentu ne'e, SEFOPE marka ona audénsia públika ho Komisaun D hodi informa ba deputadu sira, kona-ba planu tinan 2022.
Tanba SEFOPE rasik iha ninia papél ida atu atende área reforsa sentru formasaun sira oinsá atinje metas sira kona-ba prepara ema atu kompete ba kampu traballu iha rai liur, rai laran nomós atinje servisu seluk ligasaun ho empregu no ba boa governasaun.
Ho ida ne'e, SEFOPE mós aprezenta ona proposta adisionál tenta atu hasa'e orsamentu ba millaun US$7 maibé depende ba komisaun D atu haree, hira mak sira atu apoiu.
"Planu SEFOPE nian ne'e, kada tinan ne'e ita-nia target ne'e 8.400 ba leten maibé ita haree husi orsamentu bele to'o iha ne'eba, ou bele mós la to'o ba iha ne'ebá. Tanba ne'e mak ita manda adisionál orsamentuhodi responde ba programa ne’ebé ha’u sita”, esplika nia.
Entretantu ezekusaun Orsamentu Jerál Estadu (OJE) husi Sekretariu Estadu Formasaun Profesional no Empregu iha tinan 2021 nian, to'o ohin loron atinje ona pursentu hitunulu-resin-ualu (78%). (*)
