Print this page

PM Taur Apresia Servisu PNDS ba Programa UKL

By November 08, 2021 606
Kontrusaun Uma ba Kbi’it La’ek ne’ebé kontrui ona iha suku balu. Kontrusaun Uma ba Kbi’it La’ek ne’ebé kontrui ona iha suku balu. Foto Suplay

Tempotimor (Díli)-Diretora Nasionál Programa Nasionál Dezenvolvimentu Sukus (PNDS), Claudina Soares Pinto hatete, Primeiru Ministru (PM), Taur Matan Ruak, apresia ho serbisu PNDS ba implementasaun programa Uma ba Kbi’it Laek (UKL).

"Serbisu ne'ebé hala'o sua eselénsia Primeiru Ministru apresia tebes ho servisu PNDS nian liliu ba halo uma kbi’it laek ne'e rasik no entidade hothotu husi NGO  Sosiedade Sivíl mós apresia hotu”, dehan Claudina hafoin reuniaun ho Primeiru Ministru iha nia rezidénsia Faról, segunda (08/11).

PNDS nia atividade prinsipál tolu ne'ebé mak dadaun ne'e realiza hanesan programa PNDS regular, halo reabilitasaun ba Sede Suku sira iha Timor-Leste laran tomak, halo uma Kbi’it Laek.

"Dadaun ne'e sei hein kontinua orsamemtu alokadu sei halo remata programa sira ne'e iha tinan oin”, afirma nia.

Maibé atu termina programa tolu ne'ebé mak Governu aprova ona, PNDS presiza orssmneu totál Millaun US$58 atu kobre Timor-Leste laran tomak.

"PNDS presiza 58 milhões atu halo implementa  hotu  atividade prinsipál tolu ne'e ba territóriu Timor laran tomak”, informa nia.

Nune’e mós programa Uma ba Kbi’it La’ek de'it PNDS propoin osan millaun US$22 ne'e bele finaliza obra refere. (*)

 

Rate this item
(0 votes)
Last modified on Monday, 08 November 2021 15:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items