"Ohin hanesan oportunidade di'ak ida ne'ebé mak sekretáriu tékniku PNDS hetan aprovasaun husi sua eselénsia Primeiru Ministru para mai atualiza progressu servisu PNDS nian husi tinan 2020 até 2021 e mós planu ba 2022 ne'e rasik, implementasaun tomak liliu uma kbi’it laek, ne'ebé mak implementa ona iha territóriu Timor laran tomak uma hamutuk 1.254 ba Suku 424 sira, ita konsege konstrui no atinje ona pursentu 54 Falta de'it uma 62 mak sei iha prosesu faze de preparasaun para implementasaun tuir mai”, dehan Claudina ba Jornalista sira hafoin enkontru ho Primeiru Ministru (PM) iha nia Rezidénsia Farol, segunda (08/11).

Uma Kbi’it Laek ne'ebé Governu oferese ba povu sira iha Timor laran Tomak iha Munisípiu Dili, Postu Administrativu Rua de'it mak hetan mak hanesan Ataúro no Metinaru.

"Uma ba vulnerável sira ne'e realiza iha 424 aldeia infelismente Munisípiu Dili de'it mak halo de'it iha Munisípiu rua de'it mak hanesan Ataúro no Metinaru maibé munisípiu sira seluk inklui RAEOA ita implementa hotu uma kbi’it Laek”, afirma nia.

Aleinde ne'e Xefe Aldeia Makalaira, Afonsu Martins hatete, uma kbi’it laek ne'ebé mak gGvernu realiza iha suku Makalaku, Aldeia Makalira atinje ona pursentu 50 resin.

"Ne'e ita bele atinje ona pursentu 50 resin ona tanba ne'e mak ita kontinua servisu atubele remata lalais obra ne'e”, dehan Afonsu.

Konstrusaun Uma Kbi’it Laek sira ne'e Timoroan mak hala'o servisu no hetan finansia husi Governu Timor-Leste. (*)