"Lei subsídiu ba jornalista liña frente iha semana ida ne'e, Kuarta agora (10/11), lori ba Konsellu Ministru atu halo aprovasaun. Iha ha'u-nia fuan ne'e ita-boot sira-nia ezizensia ha'u sempre hakarak halo nafatin esforsu no ohin loron to’o ona finál iha semana kotuk, e ajenda ona ba Kuarta agora halo diskusaun, pois hotu tiha sei haruka ba Prezidente Repúblika (PR) e ha'u fiar katak KM sei aprova maibé lori ba PR mak ita haree”, dehan Ministru Francisco Martins iha Farol, hafoin hasoru malu ho Primeiru Ministru, Taur Matan Ruak, segunda (08/11).
Tanba ne'e nafatin husu ba jornalista sira atu kalma hodi keta ansi tanba prosesu ne'e la'ós fasil.
"Realasiona ho lista, ha'u hanoin, lista ita-boot sira-nia ha'u haree iha Ministériu ha'u-nia parte administrasaun prosesu hotu ona, koordenasaun la'o hotu ona no ha'u hein de'it lei ne'e hotu, ha'u lori ba KM aprova e PR promulga ikus liu ha'u halo prosesu aprova para pagamentu ona”, esplika nia. (*)