Print this page

Xefe Suku Konsidera KAFI Budu Proposta Estrada Kelikai ba Nahareka

By November 07, 2021 1302
Xefe Suku Laisorulai de Baixo, Julio Farkhus Pinto ko'alia hela ba www.tempotimor.com iha nia kna'ar fatin, sabadu (06/11). Xefe Suku Laisorulai de Baixo, Julio Farkhus Pinto ko'alia hela ba www.tempotimor.com iha nia kna'ar fatin, sabadu (06/11). Foto Tomas Freitas

Tempotimor (Baukau)- Xefe Suku Laisorulai de Baixo, Julio Farkhus Pinto konsidera Konsellu Administrasaun Fundu Infraestrutura (KAFI) budu proposta konstrusaun estrada diresaun husi Suku Abafala, Postu Administrativu Kelikai, Munisípiu Baukau ba area Defalasi, Suku Nahareka, Postu Administrativu Ossu, Munisipiu Vikeke, ne’ebé ho kilometru 21,7.

Konsidera KAFI budu proposta, tanba proposta refere diriji ona ba Ministériu Obras Públika (MOP) iha tinan 2017 hetan ona aprovasaun no entrga ona ba KAFI atu loke tenderizasaun, maibé to’o agora laiha rezultadu.

"Orsamentu ne'e preve tiha ona, hein KAFI loke tenderizasaun para kompaña sira ne'e tuir, maibé agora KAFI mak budu fali proposta ne'e, agora tekniku ne'ebé mak governu rekruta, sira mai survey estrada prepara tiha ona dokumentus kompletu, maibé agora pátina iha KAFI ne'eba", dehan nia ba www.tempotimor.com iha nia kna'ar fatin, sabadu (06/11).

Nia hatete, loke tenderizasaun ne'e lolós prosesu servisu ne’ebé fasil ou lalais, maibé ba proposta ne’e KAFI halo prosesu kleur ona, ida ne’e signifika KAFI mak budu.

"Agora sira debate OJE (Orsamentu Jerál Estadu) iha Parlamentu Nasionál dehan, preve ona osan, agora hein de'it prosesu ida atu loke tenderizasaun tarde, signifika ne'e mal jestaun", nia dehan

Tanba ne’e, husu MOP aselera prosesu atu hahú konstrusaun estrada refere hodi komunidade sira bele asesu. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items