Print this page

OJE 2022 ba GPM Hetan Redusaun Millaun US$3

By November 04, 2021 741
Xefe Gabinete Primeiru Ministru (PM), Azevedo Lourenço da Costa Marçal. Xefe Gabinete Primeiru Ministru (PM), Azevedo Lourenço da Costa Marçal. Foto Suplay

Tempotimor (Dili)-Xefe Gabinete Primeiru Ministru (PM), Azevedo Lourenço da Costa Marçal hatete, Proposta Orsamentu Jerál Estadu (OJE) ba Gabinete Primeiru Ministru (GPM) iha tinan 2022 nian, hamutuk millaun US$93 de'it tanba hetan redusaun millaun U$3.

"Gabinete PM rasik iha tinan 2021, ita iha U$ 12.3 miloens, orsamentu normal, ba fali orsamentu raktifikativu US$11.1 millaun, maibé ba tinan 2022 ita iha redusaun  US$3 millaun, nune'e mós sei la'o deit ho orsamentu total US$9.3 millaun”, dehan nia hafoin finaliza audénsia ho Komisaun A trata asuntu Justisa no Konstituisionál iha konferénsia lider bankada PN, kinta (04/11).

Pozisaum Governu halo redusaun tanba atu hatan ba nesesidade eleisaun prezidénsia repúblika ne'ebé sei mosu iha tinan 2022, tanba ne'e alokasaun tinan 2022 nian, hetan de'it millaun US$9.3.

Husi totál orsamentu millaun U$9.3 ne'e sei aloka millaun US$4.9 ba gabinete PM rasik no millaun US$4.4 aloka ba Gabinete Apoiu Sosiedade Sivíl (GASS).

Iha mós programa seluk, mak igualidade jéneru no inkluzaun, kultura no patrimoniu no telekomunikasaun ne'e implementa husi ajensia tutela sira ne’ebé mak iha primeiru ministru nia okos.

Dadauk, Ministériu sira seluk mos kuaze hothotu hetan redusaun, purtantu iha redusaun ne'e siknifika sei halo mós redusaun ba programa.

"Programa uluk 100-resin, agora tun ba 45 programa Governu, Ministériu hothotu implementa, atubele halo jestaun ida di’ak liu tan ba planeamentu monitorizasaun no avaliasaun atu nunee ita bele konsentra di’ak liuba rezultadu ne’ebé mak Governu hakarak atu atinje iha tinan oin (2022)”, hatete nia.

Dadauk, Ezekusaun OJE 2021 husi Gabinete Primeiru Ministru, obrigasaun kontratuál foin atinje pursentu neennulu (60%) no ba kompromisu ne'e mak atinje 97% ona.

"Ne'ebé ita mesmu tarde maibé ha’u hanoin fin do ano ita bele halo 95 pursentu ba leten ne'e ita bele ezekuta”, esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items