Login to your account

Username *
Password *
Remember Me

SEKoop-MTKI Kolleta Aifarina Ektare Rua iha Leolima 

Aifarina ne’ebé kuda iha toos. Aifarina ne’ebé kuda iha toos. Foto Suplay

Tempotimor (Ainaro)-Sekretáriu Estadu Kooperativa (SEKoop) hamutuk ho Ministru Turizmu Komersiu no Industria (MTKI) rekolla aifarina iha to'os ektare rua ne'ebé kuda husi Grupu Haburas Leslulik iha Suku Leolima, Postu Hatu-Hudo, Munisípiu Ainaru.

Antes halo kolleta Aifarina iha toos, Xefe Grupu Haburas Leslulik, Francisca dos Reis Magno, husu ba Sekretáriu Estadu no Kooperativa atu kontinua fó formasaun nune'e iha koñesimentu hodi kuda sira-nia produtu hodi asesu ba merkadu.

"Ami mós hakarak kompete hatama ami-nia produtu ba nasionál liuhusi kuda Aifarina ida ne'e mak sai hanesan baze fundamentu ba produtu hotu hotu iha rai potensiál ida ne'e, no ami mós presiza hetan tan treinamentu husi formasaun sira, ami presiza iha esperiénsia ne'ebé di'ak atu haree produtu sira ne'e ba futuru”, dehan Francisca dos Reis iha Suku Leolima, sábadu (29/10).

Sekretáriu Estadu Kooperativa (SEKoop), Elizário Ferreira, hatan ba preokupasaun ba prezidente Grupu Haburas Leslulik katak, tempu badak sei halo kompleta formasaun ne'ebé antes ne'e realiza uluk ona iha fulan balun liuba.

"Ha'u sei la ko'alia barak tan tanba tempu badak ha'u sei halibur filafali hodi tuir formasaun iha Dili kontinuasaun husi dia 4 oinsá mak atu realiza kooperativa iha Munisípiu ne'e di'ak liután atubele reforsa grupu sira iha nível suku sira no postu sira”, dehan Elizário.

SEKoop mós husu ba komunidade sira atu kontinua serbísu ba labele para no nafatin kontinua prepara ai-hán sustentável hodi labele iha grupu agrikultór sira.

Nune'e mós Ministériu Turizmu Komersiu no Industria (MTKI) mós iha formasaun ne'ebé sei hanorin ba membru grupu no kooperativa sira.

Grupu Haburas Leslulik durante fulan sia kuda Aifarina iha toos ho ektare rua nune'e iha kolleta primeiru ba Aifarina sira ne'e mak konvida Sekoop no MTKI hodi halo kolleta. (*)

 

Rate this item
(1 Vote)
Last modified on Sunday, 31 October 2021 13:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter