PLP Preokupa Governu La Rezolve Diretu Reklamante Sesta Bázika  

Aí-hán sesta bázika prepara ona iha bote hodi fahe ba benefisiáriu Sira. Aí-hán sesta bázika prepara ona iha bote hodi fahe ba benefisiáriu Sira. Foto Suplay

Tempotimor (Dili)-Deputadu Bankada Partidu Libertasaun Populár (PLP), Noe da Silva Ximenes "Buka Tuir", sente preokupa ba diretu reklamnte sesta bázika ne'ebé to'o oras ne'e Governu seidauk rezolve hotu.

"Tuir mai iha mós lista reklamante sira liliu ba programa sesta bázika ninia, ne'e mós ita-nia komunidade barak mak to'o ohin loron seidauk simu”, dehan nia iha plenária Parlamentu Nasionál (PN), tersa (26/10).

Ho preokupasaun ne'e,  Bankada PLP hakarak husu Governu sé bele aselera lalais prosesu verifikasaun lista reklamante sira ne'ebé hato'o ona ba Ministériu tau oinsá bele rezolve diretu ida ne'e.

Hatán ba kestaun ne'e, Ministru Koordenadór Asuntu Ekonómiku (MKAE), Joaquim Amaral hatete, kona-bá problema reklamasaun sesta bázika agora verifikadu no iha ona faze finál, maibé la taka dalan mós ba pedidu reklamante sira seluk ne'ebé seidauk simu.

"E reklamasaun mós sé bele liu fali husi autoridade komunitáriu e xefe suku sira,  depois liu mai,  atu nune'e ami bele verifika lalais”, esplika nia.

Dadauk númeru ne'ebé verifikadu ne'e hamutuk rihun 1.566. Purtantu husi totál ida ne'e, 810 iha Ermera, no 776 iha Ainaro inklui 200 iha Dili. Purtantu bazeia ba lista hirak ne'e, bele dehan ninia distribuisaun besik hotu ona.

"Ne'ebé hanoin ida verifikadu, nia prosesu rezolve, ita bele dehan kuaze atu konklui ona, karik sei iha fali seluk, hanoin katak ninia prosesu hanesan nafatin babain, liuhusi autoridade komunitáriu sira mak sa'e mai to'o iha Ministériu”, hatete nia. (*)

Rate this item
(1 Vote)
Last modified on Wednesday, 27 October 2021 08:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter