Login to your account

Username *
Password *
Remember Me

Governu Uza Osan Empréstimu ba Dezenvolvimentu, Asegura Retornu Pursentu 3 husi FP

Eis Vise Ministru Finansas (MF), Helder Lopes. Eis Vise Ministru Finansas (MF), Helder Lopes. Foto Suplay

Tempotimor (Díli)-Eis Vise Ministru Finansas (MF), Helder Lopes hatete, Governu prefere uza osan empréstimu hodi halo dezenvolvimentu tanba nia funan menus husi pursentu tolu (3%) ne’ebé Timor-Leste hetan husi Fundu Petrolíferu (FP).

"Tanba fundu petrolíferu kuandu ita investe iha bons no equite kuandu ita investe nia hamosu retornu mai ita 3%, karik ita dada ita-nia osan Fundu petrolíferu hodi mai halo dezenvolvimentu siknifika ita lakon oportunidade atu hetan retornu 3% maibé karik ita la dada ita-nia fundu petrolíferu entaun ita hetan fulan 3% husi Investimentu”, esplika Helder Lopes ba jornalista sira iha Suai Room, Timor Plaza, tersa (26/10).

Polítika ne'e mak Governu uza hodi halo dezenvolvimentu iha Timor-Leste tanba uza osan baratu.

"Ha'u hanoin polítika ida ne'e mak ita hetan, kontinua prevalese tantu ba Governu ida ne'e nomós ba oin, karik ita hetan osan, baratu atu halo dezenvolvimentu duké ba dada osan fundu petrolíferu ho razaun ne'e mak Governu hetan empresta husi Banku Dezenvolvimentu Aziatiku (BDA)”, esplika nia.

Governu Timor-Leste kontinua prevalese polítika anteriór hodi osan emprestimu, tanba lakohi lakon oportunidade retornu pursentu tolu husi fundu mina rai nian.

Maibé importante Governu jere osan sira ne'e hodi halo dezenvolvimentu, iha setór, hotu ne'ebé sai prioridade ba nia povu.

Tinan 2021 Governu Timor-Leste empresta osan husi Banku Dezenvolvimentu Aziatiku atu halo reabilitasaun no halo manitensaun Aeroportu Prezidente Nicolao Lobato ho montante millaun US$44.

Nune’e mós empresta Millaun US$47 atu fornese abastesimentu bee no saneamentu ne'ebé seguru no assesivel iha Timor-Leste.

Iha mós empresta millaun US$1 atu apoiu imediatu ba kauza husi siklon tropikal Seroja ne'ebé hamosu inundasaun iha kapitál nomós Munisípiu sira seluk. (*)

 

Rate this item
(1 Vote)
Last modified on Tuesday, 26 October 2021 19:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter