"Ha'u fó atensaun ba Sekrétariu Munisípal, ba diretóres servisu Munisípal no Ajénsia sira ne'ebé integra ba Autoridade Munisípal Baukau atu labele viola kategoria boa governasaun", dehan nia iha salaun sentru konvensaun baukau vila antiga, tersa (26/10).
Kada servisu Munisípal diretóres, administradór postu no inklui ajénsia sira hotu, tenke komprende ninia kompetensia no responsabilidade rasik atu ezekuta, tanba, balun seidauk komprende di'ak ninia responsabilidade halo fali entidade seluk nia responsabilidade no kompetensia.
Nia mós afirma, dezafiu balun ne'ebé sei menus mak rekursu iha ámbitu kuantidade, kuinesementu abilidade no kualidade.
"Fasilidade, ekipamentus servisu orsamentu ne'ebé menus, maske hanesan ne'e iha tinan ida ne'e ita rekruta ona funsionariu sira atu bele fó apoiu servisu ba Munisípiu no ba postu administrativu sira".nia akresenta
Tuir planu, tinan oin Administrasaun Munisípal Baukau sei kontinua rekruta, tanba tinan ne'e halo akizasaun ba veikulu, matérial eskritoriu, ekipamentu informátiku no mobiliáriu sira.
Tanba ne'e, husu ba servisu Munisípal Aprovizionamentu no servisu Munisípal Partimoniu no lojistiku atu aselera efetivamente ba akizasaun iha aspetu orsamentu tinan 2021.
Orsamentu ne’ebé governu sentral aloka ba Autoridade Munisípal Baukau iha tinan 2021 mak ho totál millaun US$5,309,123.00 ezekuta ona 64.2 pursentu no balansu hela millaun US$1,820,705,77.00.
Nune'e husu nafatin ba servisu Munisípal hotu-hotu hodi bele ezekusaun ne'ebé efetivu bazeia ba programa sub-programa actividade no tempu restante.
"Atu fó solusaun no resposta, ita mós presiza iha planu, programa, atividade, orsamentu ho kualidade rekursu umanu inklui koordenasaun no kolaborasaun ho entidade tomak", nia hakotu. (*)
