Login to your account

Username *
Password *
Remember Me

AMB Realiza Kompetisaun Pintura iha Komemorasaun Loron Ai-hán Mundiál

Prezidente Komisaun Organizadóra, Augostino Euzebio Guterres ko’alia hela ba media sira iha salaun sentru konvensaun (CCB-Sigla Portugues) Baukau, segunda (25/10). Prezidente Komisaun Organizadóra, Augostino Euzebio Guterres ko’alia hela ba media sira iha salaun sentru konvensaun (CCB-Sigla Portugues) Baukau, segunda (25/10). Foto Tomas Freitas

Tempotimor (Baukau)-Adminstrasaun Munisíap Baukau (AMB) liu husi komisaun organizadór realiza feira no konpetisaun pintura iha selebrasaun loron ai-hán mundiál.

"Sei iha mos kompetusaun ba loron ohin, iha kompetisaun pintura ba ita nia estudante sira husi eskola báziku husi postu neen (6) ne'ebé iha Munisípiu Baukau rasik", dehan Prezidente Komisaun Organizadóra, Augostino Euzebio Guterres iha salaun sentru konvensaun (CCB-Sigla Portugues) Baukau, segunda (25/10).

Alende ne’e, iha mós feria ne’ebé reprezentante kada Postu Administrativu mai partisipa hodi fa’an sira nia produtu.

"Ita konvida de'it mak reprezentante kada postu ida, ita konvida mak grupu ida mai para reprezentante ", nia informa

Nia informa, dadaun grupu sira ne'ebé partisipa iha feira ne'e, hamutuk neen (6), inklui feto potensial-rua.

Grupu agrikultór sira ne'ebé partisipa iha feira ne'e, hetan koperasaun di'ak husi ajensia internasionál sira hanesan Caritas, World Vision, CRS.

Nune’e, Simão Januario da Costa reprezenta husi grupu agrikultór Koli venilale hatete, produtu ne’ebé aprezenta iha feira refere mai husi produtu lokál.

"Ami lori liis bombae lokál, liis mean lokál, liis musan, ailia, batar, fehuk, talás, fós rai, fós mean, fós mutin", nia afirma

Nia parte kontente ho expozisaun ne'e, tanba bele motiva di’ak liu tán agrikultór sira atu promové produtu lokál. (*)

Rate this item
(0 votes)
Last modified on Monday, 25 October 2021 17:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter