"Ohin ita selebra loron aihan mundiál, ko’alia kona-ba ai-hán la'os buat ida hanoin ketak ne'e interligadu", dehan Inspetor Geál Ministru Agrikultór no Peskas, Octavio da Costa Monteiro de Almeida iha salaun sentru konvensaun (CCB-sigla portugues), segunda (25/10/).

Situasaun pandemia aktividades barak mak paradu, maibé MAP no governu fó fiar nafatin ba agrikultór sira atu halo produsaun iha area rurais sira.

Tanba ne'e, agrikultór sira kontinua servisu atu promove di'ak liu tán produtu iha merkadu.

"Ai-hán ida ne'e tenke la'os aihan ida karbonidade, tenki mós kombina ho ikan no mós proteina ne'ebé mai husi animal no vegetál sira", dehan Octavio

Nune’e, governu liu husi MAP kontinua investe iha infrastura iha parte irigasaun no mós fó apoiu ba grupu agrikultór sira iha aréa rurais halo produsaun hodi partisipa iha merkadu.

Nia husu ba grupu agrikultór sira ne'ebé partisipa iha aventu refere bele kontinua nafatin produsaun atu kompete iha merkadu no hasa'e rendimentu ekomonia.

Eventu refere, kuaze impplementa iha teritóriu laran tomak, hatudu katak tinan ba tinan MAP kontinua ajuda agrikultores sira hodi dezenvolve di'ak liután. (*)