Print this page

SEKoop Lansa Primeiru Pedra ba Loja Kooperativa CU-HIKHMOR

By October 24, 2021 806
Sekretáriu Estadu Kooperativa (SEKoop) asina hela plaka ne'ebé komisaun Organizadora husi CU- HIKHMOR prepara hela iha Aldeia Fatulumau, Aileu. Sekretáriu Estadu Kooperativa (SEKoop) asina hela plaka ne'ebé komisaun Organizadora husi CU- HIKHMOR prepara hela iha Aldeia Fatulumau, Aileu. Foto Tempo Timor

Tempotimor (Aileu)-Sekretáriu Estadu Kooperativa (SEKoop), Elizário Ferreira, lansa primeira pedra ba loja kooperativa Kréditu Uniaun Hikis Kosar Hadi'a Moris (CU-HIKHMOR) iha Suku Liurai, Postu Aileu vila, Munisípiu Aileu.

Iha lansamentu ne’e, Xefe CU-HIKHMOR, Lurdes Ramos hatete, nia hakarak hari’i loja kooperativa nian tanba iha sentru hodi fasilita komunidade iha Suku Liurai nian.

"Ohin ita inaugura ne'e sai hanesan ami-nia office, ida ne'e sai fatin ida ne'ebé loja kooperativa nian CU-HIKHMOR nian ne'ebé tau iha fatin sentru ida ne'e atubele Fasilita suku sira ne'ebé besik iha sira”, dehan Lurdes Ramos iha lansamentu primeira Pedra iha Suku Liurai, sesta (22/10).

Ho kriasaun loja ne’e, sei fa'an material ne'ebé mak suku laran sira presiza atu fasilita komunidade sira atu komunidade sira labele la'o dook tan.

"Iha ne'e sei fa'an sasán hanesan simente, hahán no seluk tan iha ne'e”, afirma nia.

Dadaun CU-HIKHMOR iha atividade fó empresta osan ba membru sira inklui kuda modo, no iha planu atu kria loja kooperativa iha sentru Suku Liurai nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items