Login to your account

Username *
Password *
Remember Me

Autoridade Munisípiu Aileu Husu SEKoop Prioritiza Kooperativa

Tempotimor (Aileu)-Administradór Munisípiu Aileu, Abel da Conceição, husu Sekretáriu Estadu Kooperativa (SEKoop), Elizario Ferreira, atu tau prioridade ba kooperativa sira iha Munisípiu Aileu.

"Poténsia iha suku laran ne'e barak, orsida ha'u mós sei hakbesik-an ba eselénsia Sekretáriu Estadu Kooperativa para haree to'ok kontinuasaun ba dezenvolvimentu kooperativa iha ita-nia Munisípiu Aileu tanba prioridade ida ba administradór ida mak iha área kooperativa ne'e rasik”, dehan Abel da Conceição liuhusi intervensaun iha inaugurasaun Sede HIKHMOR iha Aldeia Fatulumau, Munisípiu Aileu, sesta (22/10).

Tanba Governu la fó apoiu ba ema pesoál sira maibé Governu lokál no sentrál prontu fó apoiu ba komunidade sira ne'ebé mak kria grupu no kooperativa sira.

Poténsia suku ne'ebé mak sai setór importante sira tenke tau Prioridade hodi hadi’a komunidade agrikutór sira-nia moris liuhusi vida kooperativa.

"Kada suku sira ne'e iha ne'e nia potensialidade ne'e saida?, Suku seluk ne'e iha potensialidade ne'e saida?. Depois mak ita halo investimentu, ita tenke investe”, afirma nia.

Prezidente CU-HIKHMOR, Lurdes Ramos, agradese ba líder sira tanba bele fó forsa hodi kontinua dezenvolve kooperativa ne'e.

" Agradese tebes ba ulun boot sira ne'ebé to'o mai, ami agradese tanba mai fó hanoin nafatin ami hodi kontinua serbisu ba oin, ami esperansa katak ami la la'o mesak maibé ita-boot sira nafatin iha ami-nia kotuk maske ita halo buat ki’ik oan maibé nia dezenvolvimentu ne'e boot ba futuru”, dehan nia.

Iha loron 22 fulan-outubro tinan 2021 ne’e, Sekretáriu Estadu Kooperativa (SEKoop), Elizário Ferreira hamutuk ho Diretór Jerál sira ho Autoridade Lokál no Munisípiu sira halo inaugura Sede CU-HIKHMOR iha aldeia Fatulumau, Suku Liurai, Postu Administrativu Aileu Vila, Munisípiu Aileu. (*)

Rate this item
(0 votes)
Last modified on Saturday, 23 October 2021 16:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter