Login to your account

Username *
Password *
Remember Me

SEKoop Inaugura Sede CU-HIKHMOR iha Aileu

Sekretáriu Estadu Kooperativa (SEKoop) hasai foto hamutuk jo membru CU- HIKHMOR iha Aldeia Fatulumau, Munisípiu Aileu. Sekretáriu Estadu Kooperativa (SEKoop) hasai foto hamutuk jo membru CU- HIKHMOR iha Aldeia Fatulumau, Munisípiu Aileu. Foto Tempo Timor

Tempotimor (Aileu)-Sekretáriu Estadu Kooperativa (SEKoop), Elizário Ferreira, inaugura Sede Kréditu Uniaun Hisik Kosar Hadia Moris (CU-HIKHMOR) iha Aldeia Fatulumau, Suku Liurai, Postu Administrativu Aileu Vila, Munisípiu Aileu.

Iha intervensaun SEKoop enkoraza dirijente Kooperativa bainhira hasoru problema konvida ema seluk atu fó hanoin ba sira-nia probelama ne'ebé mak hasoru.

"Dirijente sira tenke atensaun, hanesan ohin dehan Kooperativa monu, ne'e normál, Maromak nia oan de'it sei monu, Jesus de'it ema seluk mak leba nia Krus ba Kalvariu, ne'e ezemplu ekonómika, kuandu dirijente kooperativa monu konvida ema seluk mak fó hanoin atu la'o ba oin nafatin”, dehan Elizário Ferreira iha Fatulumau, sesta (22/10).

Tanba ne'e, dirijente sira tenke iha komunikasaun ne'ebé honestu atu labele mosu deskonfiansa barak entre kooperativa ida.

Administradór Munisípiu Aileu, Abel da Conceição, fó hanoin ba estrutura sira katak, kuandu troka estrutura kooperativa ida tenke kuidadu tanba no tenke iha ema ne'ebé misaun ne'ebé di'ak hodi lori kooperativa ne'e ba oin.

"Ha'u husu parabéns, ha'u hakarak hateten de'it atu troka estrutura sira iha laran ne'e tenke kuidadu, kuandu la iha vizaun di'ak ba organizasaun iha estrutura sira, ida ne'e ita tenke kuidadu”, hatete nia.

Tanba iha futuru mak mosu ideia iha assembelia ruma mak hakarak atu troka lideransa ka dirijente kooperativa sira tenke tau membru ne'ebé mak iha misaun no vizaun ne'ebé di'ak hodi kontinua lori Kréditu Uniaun ida ne'e ba to'o iha nia mandatu remata. 

HIKHMOR hahú hari’i grupu ida ho naran Karada (Kamanasa Railete, Datrema,) ho ema na'in-11, iha feto mane 7, feto 4 hahú ho kapitál US$247.50.

Iha loron 8 fulan-juñu 2016 CU- HIKHMOR rejista sai kooperativa legal iha Timor-Leste. 

Durante ne'e hetan formasaun oioin? husi ONG sira kona-ba oinsá foti no sura osan ho sistema komputaór, kuda modo ho sistema no hetan formasaun kona-ba kooperativa báziku sira.

Dadaun ne'e HIKHMOR nia membru kooperativa iha 328 ho Kapitál hamutuk rihun US$283.786. 81. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter