Login to your account

Username *
Password *
Remember Me

Ezekusaun Fundu Covid-19, PN Konsidera Liña Frente Sai Dezafiu ba Governu 

Prezidente Komisaun C, Maria Angelica Rangel. Prezidente Komisaun C, Maria Angelica Rangel. Foto Suplay

Tempotimor (Dili)-Komisaun C ne'ebé trata asuntu Finansa Públika iha Parlamentu Nasionál (PN), konsidera pagamentu ba pesoál liña frente dadaun ne’e sai dezafiu ba Governu atu ezekuta fundu covid-19 bele atinje to'o pursentu limanolu (50%).

"Fundu covid nian ne'e mak ami haree iha problema oituan, tanba la atinje pursentu 0.50, tanba iha difikuldade ne'ebé mak Governu enfrente hodi halo pagamentu ba ema frontline sira. Ne'ebé mak foin ita hotu akompaña katak, Ministru Finansa deklara ona, sei halo pagamentu, iha semena-oin”, dehan Prezidente Komisaun C, Maria Angelica Rangel, iha PN, sesta (22/10).

Purtantu ko'alia filafali ba ezekuzaun Orsamentu Jerál Estadu (OJE) 2021 ne'e, bazeia relatóriu ne'ebé Governu públika portal transparánsia ne'e, dadaun atinje ona pursentu neennolu (60%).

"Sim ita haree tuir Orsamentu Jerál Estadu 2021 nian, ita hatene katak orsamentu ita halo tiha aprovasaun, depois fulan tolu liu tiha, sei mai fali ho raktifikativu, e ezekusaun orsamentu tuir ita haree iha portal transparénsia katak purvolta de pursentu 60 husi totál US$2.1 billaun, ne'ebé mak Parlamentu Nasionál aprova iha orsamentu 2021 nian”, esplika nia.

Ho ezekusaun ne'e, komisaun C haree katak, ne'e depende ba Governu atu ezekuta nia programa no la haree ba ninia puesentanjen boot ka la'e, maibé presiza haree ba nia kuantidade ezekusaun.

"Ita tenke haree mós ninia kualidade, serake kualidade de ezekusaun ne'e tuir duni regra orsamentu pur programa ka la'e”, hatete nia.

Tanba iha tinan 2021 no 2022 ba oin, Governu sei implementa orsamentu kada programa. Tanba ne'e depende Governu halo ezekusaun tuir nia programa.

Depeutada Bankada PD, Elvina Souza, konsidera ezekusaun OJE ba tinan 2021 ne'ebé Governu ezekuta ne'e di’ak ona maibé presiza hadi’a kestaun mak ezekusaun fundu covid-19 nian.

Husu mós Governu atu aselera lalais pagamentu osan ba serbisu liña frente sira tanba to'o agora pesoál sira hein hela diretu ida ne'e. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter