"Proposta orsamentu anu fiskal tinan 2022 ne'ebé Autoridade Munisípal aprezenta ba MF pur-volta $ 9 milloens resin maibe passa deit US$ 4.527.464, orsamentu refere inklui ona subsídiu transporte ne'ebé Konsellu Ministériu (KM) aprova katak funsionariu rejime jeral sei hetan subsídiu," dehan Sekretáriu Munisípal Simão dos Santos Marques Pinheiro iha kna'ar fatin vila nova, kuarta (20/10).
OJE tinan 2022 ne'ebé KROP aloka ba Autoridade Munisípal Baucau hamutuk $4.527.464 tanba hetan redusaun impkatu hosi taxa ezekusaun orsamentu tinan 2021.
Hosi totál orsamentu $4 milloens resin, Munisípiu Baucau laiha alokasaun ba fundus kapitál dezenvolvementu, maibe iha de’it fundu re-apropriasaun ba projetu 7 Programa Dezenvolvementu Intergradu Munisípal (PDIM) ne'ebé tama iha tinan 2021.
Husi orsamentu 2022, laiha alokasaun ba orsamentu ba kapitál dezenvolvementu no minor, enkuantu transferensia públika, saláriu vensimentu, bens servisu nafatin iha inklui subsídiu transporte ba funsionariu rejime jerál.
"Programa prioridade tinan 2022 ita liga liu ba projetu fiziku maibe provizóriumente ita laiha tanba 2022 ita iha de’it re-apropriasaun ba iha projetu hitu (7) ne'ebé ezekuta iha tinan ida-ne'e nian,” nia afirma
Mezmu nune'e, autoridade Munisípal nafatin esforsu prepara programa prioridade fiziku liu hosi orsamentu adisionál maibe, tanba taxa ezekusaun orsamentu tinan 2021 sai barúmetru ba alokasaun orsamentu tinan 2022. (*)