Print this page

Governu Aprova Alterasaun Dekretu Subsídiu ba Idozu no Invalidu

By October 20, 2021 937
Ferik no Katuas (idozu) sira tur hein hela hodi simu subsídiu Iha momentu balun liuba. Ferik no Katuas (idozu) sira tur hein hela hodi simu subsídiu Iha momentu balun liuba. Foto Suplay

Tempotimor (Díli)-Governu liuhusi konsellu Ministru halo alterasaun dahuluk ba dekretu lei 19/2008 19-Juñu, deside no aprova ona subsídiu apoiu ba Idozu no invalidu sira.

"Diploma legal ida ne'e refere tiha ona ba tama vigór, seidauk iha rejime seguransa sosiál seluk iha Timor-Leste katak rejime kontribui hakarak revela no adapta regra jerál kona-ba akumulasuk benefisia sira”, dehan Ministru Prezidensia Konsellu Ministru (MPKM), Fidelis Leite Magalhães, ba jornalista sira iha Palásiu Governu, kuarta (20/10).

Alende ne'e mós aprova Konstitusaun Fundu Rezerva ba Seguransa Sosiál (FRSS) no oinsá atu define ninia modelu jestaun sira ne'e tanba hakarak, atu asegura karteira referénsia tuir referénsia ekonomia no merkadu nian.

Nune'e mós halo alterasaun dahuluk ba dekretu lei númeru 17/2017 24 fulan-Maiu no dekretu lei númeru 19/2017 24 fulan-Maiu atu aprova juridiku kona-ba invalidéz no ferik katuas sira.

"Ne'ebé aprova rejime juridiku kona-ba pensaun ba invalidéz no ferik katuas no rejime juridiku nian bainhira ema mate iha ámbitu rejime kontributivu seguransa sosiál”, afirma nia.

Nune'e mós halo alterasaun dahuluk ba Dekretu-Lei nu. 20/2017, loron 24 fulan-maiu, ne'ebé aprova rejime inskrisaun no obrigasaun kontributiva iha ámbitu rejime kontrributivu seguransa sosial nian.

Projetu Dekretu-Lei ida ne'e ninia objetivu mak estende rejime ne'e ba grupu traballadór foun sira korije aspetu balu iha baze indensia kontributivu nian no haluan númeru eskalaun adezaun fakultativa nian.

Dekretu-Lei haat ne'ebé aprezenta husi Vise Primeira Ministra no Ministra Solidariedade Sosiál no Inkluzaun, Armanda Berta dos Santos, ba Konsellu Ministru. (*)

 

Rate this item
(0 votes)
Last modified on Wednesday, 20 October 2021 18:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items