Print this page

PN La Obriga Deputadu Sira Partisipa Diskusaun OJE 2022

By October 20, 2021 1254
Deputadu sira partisipa hela diskusaun iha plenária Parlamentu Nasionál momentu balun liuba. Deputadu sira partisipa hela diskusaun iha plenária Parlamentu Nasionál momentu balun liuba. Foto Suplay

 Tempotimor (Dili)-Prezidente Parlamentu Nasional (PN), Aniceto Longuinhos Guterres Lopas deklara, nia parte sei la obriga deputadu sira atu partisipa diskusaun no aprovasaun Orsamentu Jerál Estadu (OJE) tinan 2022, tanba ne'e desizasaun deputadu ida-idak nian.

"Klaru deputadu laiha duvida, tanba ne'e kompeténsia Parlamentu nian, Parlamentu ne'e organ kolejiál, deputadu sira mak aprova e aprova ho lei hothotu ho maioria e deputadu sente nia iha liberdade atu partisipa ka la partisipa ne'e desizaun deputadu nian”, dehan nia hafoin sorumutu ho PR Lú Olo iha Palásiu Prezidente Bairopite, kuarta (20/10).

Kona-ba orsamentu sei fó hanoin ba Primeiru Ministru maibé, tanba ne'e kompeténsia Parlamentu nian atu aprova ka la aprova. Maibé iha diskusaun orsamentu ne'ebé ideal ne'e bele ko'alia kualker momentu.

"Aban konferénsia bankada mais ami sei aprova kalendáriu orsamentu nian ne'ebé komisaun C prepara hela kalendáriu, kalendáriu ne'e tenke submete ba apresiasaun e aprovasaun konferénsia bankada nian aban”, esplika nia.

Tuir kalendáriu globál Parlamentu nian katak, tarde liu iha loron 15 dezembru, orsamentu tinan 2022 ho montante billaun US$1.6 tenke aprovadu. (*)

 

Rate this item
(0 votes)
Last modified on Wednesday, 20 October 2021 17:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items