Print this page

Posibilidade Sekretáriu Ambientál Baukau Rekruta Pesoál Hili Plástiku

By October 19, 2021 1332
Fatin Lixu Fatin Lixu Foto Suplay

Tempotimor (Baukau)-Sekretáriu Jerál Ambientál Munisípiu Baukau liuhusi diresaun nasionál hamutuk ho Prezidente Autoridade, hahú hanoin atu rekruta pesoál sira ne'ebé hili lixu plástiku iha tinan 2022.

Xefe Departementu Planu Gestaun Ambientál, Arlindo Silveira, informa, dadaun iha ona plánu komunikasaun entre Presidente Autoridade Munisípiu ho Sekretáriu Gerál Ambientál Nasionál iha tinan oin sei halo rekrutamentu ba pesoál sira, tanba iha Munisípiu Baukau komunidade barak, serteja atu halo produsaun lixu plastiku ba buat foun.

"Iha Munisípiu Baucau foin mak ita halo kampaña, hamutuk ho prezidente autoridade munisípal ho nia reprezentante hanoin hela posivél iha tinan oin, ita mós bele rekruta", dehan nia iha Rezidénsia Edukasaun Baukau, tersa (19/10).

Plánu rekrutamentu ne'e mós sei haree ba Suku sira iha Munisípiu Baukau ne'ebé mak iha produsaun lixu plástiku barak.

Tanba, dadaun nee lixu plastiku sai problema boot ba territóriu nasionál Timor-Leste tomak, nune'e liuHusi politika oitavu Governu Konstituisionál hahú lansa politika ne'e iha tinan 2018.

"Politika ne'e la'o ita tenke reforsa ho lei, lei ne'e ita produz liu hosi Sekretáriu estadu ambiente iha tinan 2019 no mós hetan ona promulgasaun husi Prezidente Repúblika 2020", nia haktenik

Nune'e, ba asuntu refere dadaun tama ona ba plánu faze sensebelizasaun no halo kampaña nasionál politika zero plástiku. (*)

 

Rate this item
(1 Vote)
Last modified on Tuesday, 19 October 2021 17:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com