“Ha'u talvés bele kompriende membru Governu sira, buat ida moe ne'e kotu tiha ona, tanba ne'e ema atu ko'alia mós sira la importa, e importante mak sira ba tiha duni. Lamenta tebes liga ba delegasaun boot ida, Membru Governu na'in-7 ho nia delegasaun boot, sentu (100) itál pesoál ba Dubai”, dehan nia iha plenária PN, tersa (19/10).
Maske nune'e, CNRT mós la kestiona kona-bá Expo-Dubai, maibé kestiona mak ekipa sira ne'ebé partisipa expo tanba barak demais.
Piot liu tan ekipa sira ba Dubai, Ministru ho Vise Ministru, Sekretáriu Estadu sira hamutuk ba hasoru de'it embaixadór Uniaun Emiradu Árabe (UEA).
"Ha’u lahatene intensaun saida mak ida ne'e, maibé preokupante teb-tebes la'ós de'it na'i deputadu sira, mais sosiedade sivíl, ema hothotu preokupa ho atetude sira hanesan ne'e”, afirma nia.
Iha mós problema seluk ne’ebé CNRT rona mak kona-bá mala (kaixa) tanba dehan dadaun ne'e sira to'o tiha ona Portugál mós mala seidauk to'o.
"Ida ne'e mak sai preokupasaun ba ita tanba ita lakohi atu hatete dehan ida ne'e lalos no ida ne'eba mak loos, maibé ida ne'e mak realidade”, hatete nia. (*)
