"Husu ba Obras Públika, sé BTL,EP la'o ladun ladi'ak, taka tiha, e muda fali ba diresaun servisu agua saneamentu de'it, atu nune'e labele difikulta ita-nia ema”, dehan Deputada Bankada KHUNTO, Irene Gonzaga, iha plenária Parlamentu Nasional, tersa (19/10).
Tanba, públiku tomak hatene Servisu Agua no Saneamentu (SAS), kuandu seidauk tranforma ba BTL, bee-moos ne'e la'o di'ak, maske ida rua mak la hetan bee maibé maioria mak asesu ba bee-moos.
"Agora dadauk transfere tiha ba BTL,ep kuaze maioria ema la asesu ba bee, la'ós iha Dili de'it, maibé iha Munisípiu 13 ne'e hotu. Ne'ebé nafatin husu ba MOP atu nafatin haree ida ne'e tanba uluk sei Sevisu Agua no Saneamento (SAS) ema hetan bee-moos, e halo mudansa tiha ba BTL,ep, ema barak mak la asesu fali ba bee-moos”, hatete nia.
Tuir loloos, Governu halo mudansa atu povu bele asesu ba bee-moos ho di’ak, maibé realidade la akontese.
"Ha'u hanesan reprezentante povu sente triste tebes hodi haree situasaun sira hanesan ne'e”, afirma nia. (*)