“Ministériu Planeamentu Investimentu Estratéjiku (MPIE) no ADN, sei lori pareser legál ba Konsellu Ministru, hodi foti desizaun,” Marçal hatete ba jornalista, Tersa (27/08/19) iha Palásiu Governu.
Tuir Marçal, ADN la hasoru problema iha projetu hamutuk 143 ne'e. Maibé nia problema mak seidauk selu.
"Problema ha'u la haree iha ne'ebá. Problema mak la selu. Buat seluk, ha'u la haree. So la selu mak problema. Ne'ebé, prontu parte legál sira husu pareser entaun ami prepara hela pareser legál para ita hotu di'ak. Buat sira ne'e hotu prosesu ida, para ita aprende," haktuir Samuel.
Diretór ne'e hatutan, ida ne'e mak sistema ne'ebé Timor-Leste iha. Entaun prontu para aselera dezenvolvimentu, hodi hetan nia kualidade para ema hotu bele sente dezenvolvimentu.
Nia mos lakohi halo komentariu naruk kona-ba projetu hirak ne'e. Tanba tempu besik sei rezolve. "Ita iha prosesu nia laran. Ha'u lakohi halo komentariu naruk ba ida ne'e. Tanba iha tempu badak sei iha solusaun ba problema ne'e," Marçal subliña.
Projetu 143 ne'ebé sai polémika hodi Governu kontinua la selu ne'e, tuir ADN katak projetu menus husi sanolu mak seidauk iha kontratu no husi projetu 143 ne'e, barak liu mak iha Kapitál Díli.