Print this page

EDTL La Tolera Komunidade Dada Ahi Ilegál

By October 13, 2021 823
Eletrisidade Timor-Leste. Eletrisidade Timor-Leste. Foto Suplay

Tempotimor (Dili)-Prezidente Konsellu Administrasaun Eletrisidade Timor-Leste, Empreza públika(EDTL,E.P), Paulo da Silva promete, sei la tolera komunidade sira ne’ebé dada ahi ilegál.

"Bainhira ekipa tékniku EDTL,E.P tún ba terrenu halo inspesaun no operasaun ba sidadaun ka konsumedór sira ne'ebé kontinua no tenta hela atu dada eletrisidade ho ilegál, bainhira deteta sidadaun balun dada liña eletrisidade ho ilegál, mak ita sei prosesa tuir lei, no la tolera tanba konsidera ne'e krime ida”, dehan Paulo da Silva, iha Kaikoli, kuarta (13/10).

Antes ne'e ekipa tékniku EDTL sempre hala'o operasaun ba komunidade hodi halo identifikasaun ba komunidade ne'ebé deskonfia dada ahi ho ilegál, maibé tanba situasaun Covid-19, ekipa labele tún ba terrenu hodi halo inspesaun.

"Tanba ne'e obrigatoriamente ita tenke monta kontadór atu ema uza ahi tenke selu”, afirma nia.

EDTL rasik mós planeia ona atu instala paralelamente fatin fa'an pulsa ba enerjia elétrika iha kada postu administrativu iha territóriu laran tomak, tau fasilita konsumidór sira labele la'o dook hodi sosa pulsa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items