Tama ASEAN, Emprezáriu TL Tenke Preparadu Featured

Tempotimor (Díli) – Timor-Leste presiza duni tama ASEAN. Tan ne'e, emprezáriu nasionál Timor-Leste tenke prepara an, hodi bele kompete ho emprezáriu husi nasaun ASEAN sira seluk.

Prezidente Kámara Komérsiu Indústria Timor-Leste (CCI-TL), Oscar Lima hatete lia hirak ne'e ba tempotimor.com iha ninia knaar fatin, Akait, Díli, Tersa (27/08/19).

"Ita ne'e estadu. Tanba iha Prezidente Repúblika, Primeiru Ministru, Judisiariu no Parlamentu Nasionál. Tan ne'e, tenke haree ba ita nia emprezáriu nasionál atu bele kompete netik iha ASEAN. Selae, kuandu ita tama ona ASEAN, ita la konsege kompete ona," dehan Oscar Lima.

Nia dehan, TL atu lori saida mak fa'an ba rai liur. Kompetisaun ho ema iha osan mai halo investimentu iha Timor, selu pursentu ida no rua. Maibé, ita iha ne'e foti para halo ita nia atividade ekonomika selu % 12. “Oinsá mak ita bele kompete? Hanesan emprezáriu labele kompete. Maibé, tama ASEAN ita presiza,” nia hatete tan.

Nu'udar Prezidente CCI-TL, Oscar Lima informa mós kestaun hirak ne'e ba ekipa ne'ebé responsavel ba Timor-Leste nia adezaun ba ASEAN, para hato'o ba Governu hodi prepara kondisaun ba emprezáriu nasionál.

"Ami La obriga Governu. Maibé, Governu hanoin oinsá para prepara nia seitor privadu ka nasionál, para iha loron ida ita tama ba ASEAN, seitor privadu sira prepara ona para kompete netik buat balun,” Oscar haktuir.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com