Print this page

EDTL Sosa Kontadór Rihun-120 Responde Ligasaun Direta 75.000

By October 13, 2021 695
Ekipa tékniku Eletrisidade Timor-Leste, empreza públika (EDTL, ep) haree hela kontadór hamutuk rihun-120-resin iha kontetór laran. Ekipa tékniku Eletrisidade Timor-Leste, empreza públika (EDTL, ep) haree hela kontadór hamutuk rihun-120-resin iha kontetór laran. Foto Tempo Timor

Tempotimor (Dili)-Eletrisidade Timor-Leste, empreza públika (EDTL, EP) sosa kontadór hamutuk rihun-120-resin ho Orsamentu Jerál Estadu tinan 2021 ba klíente hamtuk rihun-197 ne’ebé seidauk utiliza no ligasaun direta hamutuk rihun-75 (75.000).

“Kontadór ne'ebé ita sosa ne'e husi nasaun Indonézia ho kompaña ida naran Itron, no ita sosa ho Orsamentu Jerál Estadu 2021 ho millaun US$5”, dehan Prezidente Konsellu Administrasaun EDTL,ep, Paulo da Silva, iha Kaikoli, kuarta (13/10).

Tanba planu sosa kontadór hirak ne'e bazeia ba dadus ne'ebé EDTL, rezista, katak kliénte hamutuk rihun-197 laiha kontadór ne'ebé rezista ona.

Nune’e mós ba kontadór barak mak aat ona, inklui klíente hamutuk rihun-75 mak sei iha ligasaun direita no la selu ba Estadu.

“Agora ita hatama kontadór monofaziku rihun-120-resin, hodi monta iha fatin hothotu, no sei rezolve ligasaun direita hamutuk rihun-75 ne'e”, informa nia.

Dadaun ne'e kontadór hamutuk rihun-5 ne'ebé mak sosa husi EDTL,ep ho tipu kontadór monofaziku rihun-4, tresfaziku rihun 1, no iha tempu badak sei haruka mai monofaziku rihun-20. (*)

Rate this item
(0 votes)
Last modified on Wednesday, 13 October 2021 17:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items