Estrada Difikulta Populasaun Katrai Kraik Asessu ba Merkadu

Xefe Suku Katrai Kraik, Postu Administrativu Letefoho, Munisípiu Ermera, Carlos da Conceição Soares. Xefe Suku Katrai Kraik, Postu Administrativu Letefoho, Munisípiu Ermera, Carlos da Conceição Soares. Foto Tempo Timor

Tempotimor (Katrai Kraik)-Xefe Suku Katrai Kraik, Carlos da Conceição Soares hatete, kondisaun estrada iha Suku Katrai Kraik, Postu Administrativu Letefoho, Munisípiu Ermera at difikulta populasaun atubele lori podutu lokál ba merkadu.

"kona-ba estrada estrada ne'e husi Nasionál mai suku no to'o aldeia estrada totál ne'e mak sei at, maske iha tempu bailoron no tempu udan transporte labele sirkula atu lori populasaun sira-nia produtu sai husi suku ida ne'e ba merkadu tan de'it estrada”, dehan Carlos ba www.tempotimor.com iha nia kna’ar fatin, tersa (12/10).

Maske suku refere iha potensial boot tebes ba agrikultura liliu ortikultura nomós turizmu komunitáriu maibé buat hotu labele la'o tanba kondisaun estrada.

Kona-ba ortikultura iha Suku refere mak hanesan iha kafé, fehukropa ne'ebé barak, inklui mós ervilla, ne’ebé komunidade presiza ba fa’an iha Merkadu.

"Ha'u hodi povu Katrai Kraik nia naran husu ba Governu atu tau prioridade ba suku ida ne'e tanba suku ida ne'e mak poténsia boot mak hanesan turizmu komunitáriu tanba aban bairua bele hetan rendimentu balun hodi bele apoiu iha taxa de estadu”, dehan nia.

Iha mós turizmu komunitáriu hanesan bee lihun iha Fatuk ku'ak ne'ebé mak líder nasionál José Ramos Horta vizita ona, inklui fatuk kuak ne'ebé mak naruk liu metru atus ida (100), iha uma lisan no turizmu sira seluk.

Tanba ne’e, husu Governu atu tau prioridade hodi loke estrada fasilita povu lori sira produtu hodi asesu ba merkadu iha inklui turizmu komunitáriu ne'ebé mak atrai sidadaun sira husi nasionál no internasionál sira bele vizita. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter