Laiha Kartaun Vasina, Posibilidade Veteranu ho Idozu Sei Lasimu Osan 

Primeiru Ministru, Taur Matan Ruak. Primeiru Ministru, Taur Matan Ruak. Foto Suplay

Tempotimor (Ermera)-Primeiru Ministru (PM), Taur Matan Ruak hatete, veteranu ho idozu sira ne’ebé laiha kartaun vasina posibilidade sei lasimu osan pensan no subsídiu.

"Agora ami hare hela, ne'e hanesan aviza ida ha'u hato'o hela ba ita-boot sira, posibilidade aban bairua Veteranu sira ba simu sira-nia osan sira tenke hatudu kartaun vasina ne'e, terseira idade sira mós hanesan, tenke hatudu kartaun vasina, se nia laiha nia sei la simu nia osan, ne'e sé mak ko'alia, ne'e ha'u PM mak ko'alia”, deklara PM Taur, bainhira visita sentru vasinasaun iha suku Dukurai, Postu Administrativu Letefoho, Munisípiu Ermera, segunda (11/10)

Aleinde ne'e mós sei aplika ba labarik Bolsa da mãe sira, nomós funsionáriu públiku inklui FDTL no PNTL hotu iha Timor-Leste.

"Ha'u la hatete para imi dehan ha'u ameasa, maibé ha'u aviza hela ba karik aban bairua ami halo tiha hanesan ne'e, imi labele dehan PM mai la hatete ita depois nia derepente dehan hanesan ne'e, tanba ne'e ha'u aviza hela”, esplika nia.

Bainhira sidadaun balun dehan desizaun ne’ebé Governu foti hanesan impedimentu direitu liberdade ema nia, maibé direitu boot liu iha mundu mak direitu moris.

"Ami tenke halo hanesan ne'e”, hakotu PM Taur”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter