Governu Presiza Dignifika Traballadór ho Saláriu Mínimu US$200

Prezidente Konfederasaun Sindikatu Timor-Leste (KSTL), Almerio Vilanova. Prezidente Konfederasaun Sindikatu Timor-Leste (KSTL), Almerio Vilanova. Foto Tempo Timor

Tempotimor (Dili)-Prezidente Konfederasaun Sindikatu Timor-Leste (KSTL), Almerio Vilanova hatete, Governu presiza dignifika traballadór sira-nia moris ho saláriu mínimu US$200  kada fulan.

"Bazeia ba KSTL nia peskiza iha tinan 2014 ne'e ami halo analiza ba kustu moris nian, hatudu katak, ita-nia Timor-Leste ne'e saláriu ne'ebé dignifika ema nia moris ne'e, saláriu ho montante $200 ne'e mínimu. Ho saláriu US$200 ne'e mak bele dignifika ema nia moris, se tun husi ida ne'e labele”, dehan nian iha Salaun SEFOPE Kaikoli, segunda (11/10).

Estudu analiza kona-ba saláriu mínimu ne'e remata ona iha tinan 2020 no haruka ona ninia esbosu saláriu mínimu ba Ministériu Koordenadór Asuntu Ekonomia (MKAE). 

"Ami espera katak, labele dada tempu kleur liu, tanba halo estudu no peskiza lubuk ida hodi konvida sira mai hato'o hanoin ne'ebé mak iha hodi bele aselera aprova revizaun ba saláriu mínimu ne'e iha konsellu ministru", hatete nia.

Tanba traballadór nia saláriu mínimu ne'e tenke bazeia ba kustu moris nian nomós bazeia ba inflansaun ne'ebé tinan-tinan iha mudansa.

"Ne'ebé ita falta ona revizaun ba saláriu mínimu ne'e ba dala haat, ne'e ita-boot sira imajina osan US$115 iha tinan 2012 to'o 2014, agora 2014 mai iha 2018 no 2020 ne'e ita husik ona ba dala haat. Ne'e imajina tok povu nia moris ne'e oinsá, ita tenke deside no ita fó valór ba povu nia moris, traballadór ne'e povu sira mós iha ninian família, ne'ebé kuandu nia moris ne'e labalansu ho ninian rendimentu ida ne'e, fó prejudika boot ba moris povu nian”, afirma nia.

Sekretáriu Estadu Formasaun Profesionál no Empregu (SEFOPE), Alarico de Rosario hatete, prosesu ba saláriu ne'e hán tempu, durante ne’e konsellu nasional traballu hamutuk ho Sekretáriu do arbitrazen halo estudu oioin ba rai vizinu sira ne'e liliu haree ba saláriu mínimu.

"Nia progresu ida saláriu mínimu ita bele halo debate no draf ne'ebé mak saláriu mínimu tuir lei kada tinan hahú tenke halo revizaun ba saláriu mínimu, maibé buat hotu no desizaun ikus sei iha konsellu ministru, tanba konsellu ministru mak foti desizaun ida saláriu mínimu bazeia ba prospota ne'ebé hato'o ne'e mantein ka hasa'e, ne'e konsellu ministru mak haree kona-ba ida ne'e”, haktenik nia. (*)

Rate this item
(0 votes)
Last modified on Monday, 11 October 2021 17:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter