Saudozu Nicolau Lobato-Sahe Pioñeiru ba Kooperativa iha TL

Sekretáriu Estadu Kooperativa (SEKoop), Elizáriu Ferreira. Sekretáriu Estadu Kooperativa (SEKoop), Elizáriu Ferreira. Foto Suplay

Tempotimor (Gleno)-Sekretáriu Estadu Kooperativa (SEKoop), Elizáriu Ferreira hatete, Saudozu Prezidente Repúblika, Nicolau dos Reis Lobato no Komisáriu Vicente Reis "Sahe" sai pioneiru ba kooperativa iha Timor-Leste (TL).

“Ohin ha'u temi Saudozu Prezidente Nicolao Lobato komisáriu Vicente Reis "Sahe" sira mak pioñeiru ba independénsia maibé sira mós pioneiru ba kooperativa nian tanba sira na'in-rua mak hahú hari’i kooperativa iha Timór maibé ema dehan kooperativa de konsumu”, dehan Elizáriu Ferreira iha Salaun ETCI Gleno, Ermera, sesta (09/10).

Kooperativa de Konsumu ne'e Saudozu Nicolau Lobato hahú iha Postu Administrasaun Bazartete, Mini Likisá no Saudozu Vicente Reis "Sahe" hahú iha suku Orstiku Luilubo, Postu Administrativu Baukau Vila, Munisípiu Baukau.

Husi saudozu sira-nia maneira kooperativa ne'e mak halo independénsia Timor-Leste nian badak ba bebeik.

"Husi espíritu ida sira hari’i ne'e mak sira manán tipo ukun-an ne'e espíritu de solidariedade no espíritu de kooperativizmu ne'e halo ita-nia independénsia ne'e badak ba bebeik no ikus liu manán ho prémiu”, esplika nia.

Nune'e ema hothotu komunga espíritu no solidariedade ida de'it hodi deside Timor to'o ukun rasik-an.

Tanba kooperativa ne'ebé Saudozu sira hari’i hahú akumula ema barak no ikus mai hanaran Kréditu Uniaun.

Nune'e Kréditu Uniaun tama iha Timor-Leste hahú iha tinan 1990 hahú husi amululik Jejuita Albert Carin husi Alemaña iha momentu sai misionáriu ne'ebé hala'o kna’ar iha nasaun viziñu Indonézia. (*)

Rate this item
(0 votes)
Last modified on Sunday, 10 October 2021 20:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter