Login to your account

Username *
Password *
Remember Me

Kompaña ‘Tenta’ Kria Inundasaun, Komunidade Bekora 'Kesar' PN

Reprezentante Komunidade Aldeia Klak Fuik no Kakeu, Tomas da Costa Monteiro. Reprezentante Komunidade Aldeia Klak Fuik no Kakeu, Tomas da Costa Monteiro. Foto Tempo Timor

Tempotimor (Dili)-Komunidade Aldeia Klakfuik ho Kakeu-Laran iha Suku Bekora Postu Administrativu Cristu-Rei Munisípiu Dili, kesar Parlamentu Nasional (PN), tanba Kompaña ne'ebé mak Governu delega hodi normaliza Mota Culau, maibé tenta kria fali inundasaun ba komunidade sira iha tempu udan.

“Ohin (6/10) hasoru Komisaun E ne'e, kona-bá inundasaun iha loron 4 fulan-abril liubá ne’e, fó impaktu ba aldeia 2, Aldeia Klak Fuik ho Kakeu-Laran. Iha kompaña ida ba halo progresu iha ne'ebá, sira ba hari’i fali besi-tolu iha valeta nia klaran, no sira fui halo aas tiha, entaun bainhira mota tuun husi Kulau mai, bee soke iha besi ne'e, sei sai fali ba tama populasaun nia uma iha aldeia Klak Fuik ho Kakeu-Laran”, dehan Reprezentante Komunidade Aldeia Klak Fuik no Kakeu, Tomas da Costa Monteiro, iha PN, kuarta (06/10).

Reprezentante Komunidade deside hasoru malu ho Komisaun E trata asuntu Infraestrutura iha Parlamentu Nasionál hodi hato'o problema ne'e ba deputadu sira atu buka solusaun.

Tuir loloos kompaña sira hala'o pelu menus di'ak maibé realidade kompaña sira ba hari’i fali besi iha mota laran fó impaktu ba komunidade iha tempu udan.

Tanba ne’e, husu atu kompaña ne'e tenke hasai besi tolu ne'ebé mak sira tau iha valeta laran, bainhira udan kuandu mota Kulau tun ne'e labele hamosu inundasaun.

Komunidade afetadu, Agusto Soares, husu ba Governu atu delega eskavatór no kameuneta ida ba normaliza fo'er sira iha mota Kulau atu nune'e labele hamosu inundasaun iha tempu udan.

“Tanba tempu udan mota kulau lori fo'er sira tuun mai, bee ne'e tuun mai lori rai henek fatuk no foer, ami hakarak tenke normaliza lalais”, dehan nia.

Ba preokupasaun ne'e Prezidente Komisaun E deputadu, Abel Pires, hatete, komisaun E tempu badak sei ba hala'o fiskalizasaun hodi vizita problema ne'ebé mak hato'o husi komunidade aldeia Klak Fuik ho Kakeu Laran.

“Resposta husi parlamentu nian katak, iha tempu badak sira sei ba haree situasaun, depois sei hato’o liubá ministériu relevante”, dehan nia. (*)

Rate this item
(0 votes)
Last modified on Thursday, 07 October 2021 22:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter