"Ohin, dala ida tan Sekretária Estadu Protesaun Sivíl, hamutuk ho diresaun jerál protesaun sivíl, diresaun nasionál jestaun risku dezastre, hamutuk ho nia parseiru Cild Fund, mai hamutuk fahe ai-hán ba komunidade sira ne'ebé sai afetadu husi dezastre iha dia 04 de Abril, iha Munisípiu Dili. Ne'ebé ita apoiu ai-hán nomós la'ós ai-hán ba iha aldeia lima iha Suku Komoro nian, durante loron rua, ohin ho aban", dehan, Koordendaór Diresaun Nasional Jestaun Risku Dezastre (DNGRD), Helio de Sousa Soares Pacheco, iha Sede Suku Komoro, tersa (05/10).

Reklamante hamutuk na'in-485 ne'e, husi Aldeia Săo José Ai-mutin (18), Golgota (5), Aimutin (32), Moris Foun (114), Fomentu II (81), 12 de Outubru (106), Baya Leste (129).

Ba uma-kain ida, sei hetan pakote ai-hán hanesan, fós saku ida, supermie, bee aqua, sardina nomós sasán ijiéne ninian hanesan sabaun, tolla, no sira ne'e mak fó ba komunidade sira. 

Enkuantu, totál Xefe família sira hanesan, Săo José Ai-mutin iha 18, Golgota 5, Ai-mutin 32, Moris 114, Fomentu 81.

Xefe Suku Komoro, Eurico da Costa de Jesus hatete, apoiu ne'e SEPS halo distribuisaun, tanba iha faze dahuluk sira seidauk simu apoiu, nune'e mak iha loron 05 setembru, gGvernu halo redistribuisaun ba vítima sira.

"Problema iha reklamasaun ne'e sira reklama tanba iha inundasaun ninian ne'e, emerjénsia ne'e sira la hetan. Entaun, reklamasaun mak foin hetan. Apoiu ida ne'e kontinuasaun husi problema inundasaun ninian na reklamadu sira, ne'ebé mak la hetan, liuba halo tiha distribuisaun”, dehan nia.

Tuir dadus, totál populasaun iha Suku Komoro,l hamutuk rihun-33,711, kompostu husi mane rihun-16, feto 14,21, no uma-kain hamutuk rihun-14. (*)