SEKoop ‘Bandu’ Membru CCSN Manatuto Husu Osan

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Suplay

Tempotimor (Manatutu)-Sekretáriu Estadu Kooperativa (SEKoop), Elizário Ferreira, bandu membru sira iha Cooperativa Crédito Súri-Náha (CCSN) atu husu osan ba hakbi'it kapitál finanseira hodi dezenvolve fali kooperativa nian.

SEKoop ‘Bandu’ Membru CCSN Manatuto Husu Osan"Iha tempu ne'ebá mós, ami deklara katak, kooperativa kréditu ne'e sei la husu apoiu kapitál mai husi instituisaun seluk. So bele husu osan ba formasaun, kadeira ho meza, ho komputadór sira, mais sei la husu osan ba kapitál. Kapitál ne'e mai husi membru sira. Imi tenke separa buat rua ne'e. Husu osan ba formasaun, husu osan ba sosa ekipamentu, husu osan ba halo uma, bele. Mas labele husu osan ba kapitál”, deklara Elizário Ferreira, iha Salaun Otél Surprise, Werema-Manatutu, domigu (03/10).

Tanba iha loron 10 dezembru 2011, liuhusi asembleia jerál SEKoop nian, membru sira deside nu'udár nasionál ba kooperativa, inklui mós ho deklarasau ida hodi ‘bandu’ membru sira atu husu osan ba kapitál kooperativa nian.

"Tanba saida, ami bandu ida ne'e?, bandu tanba ita-nia kultura iha Timor ne'e, iha lisan tolu mak halo ita bele hirus malu, bele fahe malu, e ita-nia espiritu solidariedade ne'e boot tebtebes iha mundu. Primeiru mak saida, hari'i uma lisan, ema besik rihun 5, hari’i uma ida. Ema ida mate, ema rihun-rua ou tolu hakoi. Ida terseiru mak ema ida kaben, família kaben hotu. Entaun, vida sosiál ne'e mak ida ne'e”, dehan Elizário.

Ho ida ne’e, kooperativa moris atu minimiza vida sosiál ida ne'e, no la'ós atu halo lakon, maibé atu hamenus, atu nune'e labele iha dezintendimentu Sosiál iha vida sosiedade ninian.

"Tanba ida ne'e mak kréditu union ne'e mosu, atu servisu ba ema ho osan", hatete nia.

Maibé membru sira kooperativa ne'e labele halakon naran Súri-Náha, no asegura nafatin, tanba nia nu'udár sadozu ne'ebé mate ba Timor-Leste nia ukun rasik-an.

"Imi mesak ema potente de'it, ho naran ida di'ak ne'e, Súri-Náha ne'e, labele halo nia naran lakon. Halo nia naran tenke morin ba bebeik, tenke buras bebeik iha Manatuto ne'e", dehan nia.

Prezidente Kooperativa Kréditu "Súri-Náha", Maria Teresa Hono Lay Correia hatete, durante lidera organizasaun kooperativa ida ne'e, sei buka esforsu-an hodi atinje mehi kooperativa nian sai realidade.

"Nu'udár prezidente kooperativa kooperativa Súri-Nahá, iha oportunidade ida ne'e ha'u hakarak hato'o agradesimentu ba membru sira ne'ebé fó ona konfiansa hodi ha'u lidera, hanesan alkansa nia vizaun, mak transforma organizasaun nia mehi sai realidade, no sai hanesan pilár ne'ebé fundamental mak rekursu, hodi kontribuisaun ativu ba servisu ho profesionál no komitmentu, lori kooperativa susesu iha futuru", afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter