Tuir informasaun ne’ebé asesu husi pájina ofisial Programa Nasionál Dezenvolvimentu Suku (PNDS) iha loron tersa (05/10) katak, iha Seremónia Inaugurasaun ne’ebé halo iha loron segunda (04/10), Ministru Miguel, hato sentimentu kontente, tanba Governu bele halo uma ne’ebé dignu ba Sidadaun sira ne'ebé konsideradu Ema Kbi'it Laek.

Xefe Suku Holarua, Geraldo Pinheiro de Araújo, mós sente orgullu no kontente tanba ho Programa Nasionál Dezenvolvimentu Suku (PNDS) bele ajuda ona Komunidade Kbi'it Laek iha Suku.

Tanba durante ne’e komúnidade kbi’it lark hela de’it iha uma piku no bainhira udan monu rai bee sempre tama sira-nia uma laran.

Leopoldinha da Silva nu'udar benefisiáriu iha Suku Holarua, kontente tebes tanba liuhusi Programa Nasional Dezenvolvimentu Suku ajuda ona sira no sira husu ba Governu atu kontinua nafatin programa ne'e no bele ajuda mós komunidade sira seluk.

Haree ba planu Governu ne’ebé iha hodi fó apoiu ba kbi’it La’ek sira-nian, mak aloka orsamentu ho montante millaun US$21.209,169,15 hodi implementa programa UKL, no kontrusaun UKL ba benefisiáriu hamutuk 1.254 iha teritóriu tomak, no kada uma ho kustu orsamentu rihun US$14 to’o US$17.

Partisipa iha Seremónia Inaugurasaun ne'e Embaixadór Austrália, Peter Roberts, Ajuntu PDHJ, Team Leader Austrália, Diretora ST-PNDS, Liña Ministeriál Munisípiu Manufahi, Funsionáriu PNDS, Autoridade Lokál Munisípiu Manufahi no Komunidade iha Suku Holarua. (*)