Print this page

Expo Dubai La Lori Rendimentu, FONGTIL Husu KAK Investiga

By October 04, 2021 1507
Diretór Ezekutivu FONGTIL, Daniel Santos do Carmo. Diretór Ezekutivu FONGTIL, Daniel Santos do Carmo. Foto Suplay

Tempotimor (Dili)-Forum Organizasaun Naun Governamentál Timor-Leste (FONGTIL) konsidera Timor-Leste nia prezensa iha Expo Dubai la lori rendimentu mai Timor-Leste, Komisaun Anti Korrupsaun (KAK) presiza halo investiga ba rezultadu expo refere.

Diretór Ezekutivu FONGTIL, Daniel Santos do Carmo hatete, Timor-Leste laiha produtu, atu lori ba Expo Dubai, tanba Timor-Leste laiha produtu atu ba kompete, la'ós naran ba de'it maibé  tenke hatene produtu ida ne'ebé mak bele ona lori ba reprezenta iha internasionál.

"Ita laiha produtu, tanba ne'e mak ita dehan ba gasta osan ne'e, hanoin ne'e la'ós presiza hadi’a maibé ne'e presiza investiga, taun uluk ne'e ita husu ona ba KAK, la'ós investiga de'it ida ne'e, maibé sira fila mai tenke investiga retornu husi atividade sira ba ne'e, nia rezultadu saida”, dehan nia iha salaun FONGTIL Kaikoli, segunda (04/10).

Hanesan Expo Milan, EXpo Sanhae sira ne'e uluk kedas rona atu ba Expo Dubai, sosiedade sivíl husu atu loke investigasaun, la'ós bolu fali sira halo aprezentasaun, maibé husu atu loke investigasaun ba gastu tanba gastu sira laiha rezultadu ne'e krime.

"Entaun ida ne'e mak ita ezerse katak, ezije katak depois sira fila husi Dubai tenke loke investigasaun ba sira”, afirma nia.

Tanba ne'e Timor-Leste ba partisipa Expo Dubai ne'e hanesan demonstra gasta osan, no Sisiedade Sivíl kontra polítika desvansa osan Estadu nian ba eventu sira ne'ebé la lori retornu di'ak ba Timor-Leste iha kurtu prazu, mediu prazu no longo prazu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items