Print this page

Governu Deside Rezolve Uluk Sendimentasaun, Hein Prosesu Ponte Bekussi

By October 04, 2021 1233
Ekipamentu Pezadu husi Institutu Jestaun Ekipamentu (IGE) suru sai Sendiemntasaun iha mota laran. Ekipamentu Pezadu husi Institutu Jestaun Ekipamentu (IGE) suru sai Sendiemntasaun iha mota laran. Foto Suplay

Tempotimor (Díli)-Vise Primeiru Ministru (PM) no Ministru Planu Ordenamentu Territóriu (MPOT), José Reis hatete, prosesu sobu ponte Bekussi ne’ebé sei la’o hela, Governu deside rezolve uluk sendimentasaun iha mota laran.

“Agora iha hanoin oinsá atu hasai rai henek iha mota ninin sira ne'e, tanba ha'u atu dehan hein fulan hira tan udan mai filafali ona tanba ne'e mak agora prioridade boot liu mak oinsá atu hasai sandimentasaun sira ne'ebé mak iha mota laran”, dehan Vise PM José Reis ba Jornalista sira iha rezidensia PM Faról segunda (04/10).

Kona-ba Ponte Bekussi no fatin seluk ne'ebé mak hetan estragu husi Inundasaun iha fulan-Abríl liubá ne'e, hanesan levantamebtubuda ne'ebé mak ekipa tekniku halo hela to'o agora.

Nune'e mós sira kontinua ko'alia kona-ba ponte sira seluk ne'ebé mak mak estragus iha loron 4 fulan Abríl ne'ebé momentu akontese iha Inundasaun.

"Ohin ha'u ho Primeiru Ministru mós ko'alia hela kona-ba ida ne'e, tanba ne'e prosesu ba pontu estragu Inundasaun iha fulan-Abríl liubá ne'e sei iha hela prosesu", deklara nia:

Tanba Mota Bekussi prosesu atu sobu ne'e sei la'o hela agora hein atu hasai uluk rai henek sira iha mota laran ne'e, tanba udan besik mai ona mak sobu tiha ne'e sei impaktu boot ne'ebé preosesu sei la'o. (*)

Rate this item
(0 votes)
Last modified on Wednesday, 06 October 2021 09:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items